Dünýäniň iň meşhur internet tizligini ölçeýän platformalaryň biri bolan “Speed Test” 2022-nji ýylyň başyndaku internet tizliginiň iň ýokary bolan ýurtlaryny mälim etdi. Platformanyň berýän maglumatlaryna görä, şu ýylyň fewral aýynda dünýä boýunça göçürip almakda internetiň ortaça tizligi 29,91 Mbit/s deň bolan bolsa, ýüklemekde bolsa internetiň ortaça tizligi 8,54 Mbit/s barabar boldy. Netijede, göçürip almakda internetiň tizligi iň ýokary bolan ýurt hökmünde Birleşen Arap Emirlikleri boldy. Ýurtdaky ortaça internet tizligi 133,51 Mbit/s görkezijä eýe boldy. Sanawyň ikinji ornuny Norwegiýa eýelemek bilen, onuň bu ugurdaky görkezijisi 118,58 Mbit/s deň boldy. Üçünji ýeri bolsa 116,51 Mbit/s ortaça internet tizligi bilen Günorta Koreýa eýeledi.
Internet tizligi ýokary bolan dünýäniň öňdebaryjy ýurtlary:
Birleşen Arap Emirlikleri – 133,51 Mbit/s;
Norwegiýa – 118,58 Mbit/s;
Günorta Koreýa – 116,51 Mbit/s;
Katar – 113 Mbit/s;
Gollandiýa – 107,81 Mbit/s;
Saud Arabystany – 94,64 Mbit/s;
Bolgariýa – 94,32 Mbit/s;
Daniýa – 94,17 mbit/s;
Hytaý – 87,76 Mbit/s;
Kuweýt – 85,38 Mbit/s.
Aýmuhammet Nurgeldiýew,
S.A.Nyýazow adyndaky Türkmen oba hojalyk uniwersitetiniň talyby
