Gazagystanyň çempionatynda ildeşimiz Gurban Berdiýewiň tälim berýän Kaýrat topary ýeňlişsiz liderligini dowam etdirýär. Kaýrat 5-nji tapgyrda öz meýdançasynda Kaspiý toparyndan 1-0 üstün çykdy. Almatylylara ýeňiş getiren ýeke-täk goly 41-nji minutda Žoao Paolo geçirdi.
5-nji tapgyrdan soň 3 ýeňiş gazanyp, 2 oýunda deňme-deň oýnan Kaýrat topary 11 utuk bilen 1-nji ýerie eýeleýär. Bir oýny kem Şahtýoryň, Tobol hem-de Kaspiý toparlarynyň 10 utugy bar. 6-njy tapgyrda Kaýrat myhmançylykda Tobol bilen duşuşar.
