Angliýanyň FA Kubogy ýaryşynda “Çelsi” klubunyň erkekler toparyndan soň, zenan topary-da finala çykdy. “Çelsi” zenan topary ýarym finalda Arsenaly Reiten hem-de Žiniň gollary bilen 2-0 ýeňdi. “Çelsili” gyzlaryň finaldaky garşydaşy “Mançester Siti” bolup, şäherliler ýarym finalda “West Ham” gyzlar toparyny 4-1 hasabynda ýeňlişe sezewar etdi.
Şunlukda, erkeklerden soň “Çelsiniň” zenanlar topary-da finala çykmagy başardy. Mälim bolşy ýaly Erkekleriň arasyndaky finalda “Çelsi” bilen ýarym finalda Mançester Sitini ýeňen “Liwerpul” duşuşar. Zenanlarda bolsa “Çelsi” “Mançester Siti” bilen duşuşar. “Çelsi” bilen “Mançester Siti” zenan toparlarynyň arasyndaky final duşuşygy 15-nji maýda “Wembley” stadionynda oýnalar.
“Çelsi” zenanlar topary geçen möwsümiň finalynda “Arsenaly” 3-0 ýeňip, 3-nji gezek FA Kubogyny eýeläpdi.
