“Premier Ligada” garaşylyşyndan pes netije görkezýän “Mançester Ýunaýtediň” täze tälimçisi resmi ýagdaýda mälim edildi. Ozaldan hem belli bolşy ýaly, klub häzirki wagtda “Aýaks” toparyna tälim berýän Erik ten Hag bilen 3 ýyllyk şertnamanyň baglaşylandygyny habar berdi. 52 ýaşly tälimçiniň öweztölegi hökmünde “Aýaksa” 2 million ýewro berler. “Go Ehed Iglz”, “Bawariýa II”, “Utreht” ýaly klublara tälim beren Ten Hag futbolçylyk ýyllarynyň aglabasyny “Twente”, “De Graafşap”, “Utreht” ýaly klublarda geçirdi.
“Aýaks” Ten Hagyň tälimçiliginde 2019-njy we 2021-nji ýyllarda çempionlyk gazanypdy. Ten Hag topara tomusda tälim berip başlar.
