Russiýanyň Sankt-Peterburg şäherinde 25-nji Halkara Peterburg ykdysady forum öz işine başlady. 25-nji gezek geçirilýän geçirilýän foruma 90 ýurtdan wekiliýet gatnaşýar.
“Ekspoforum” sergi merkezinde geçirilýän forumyň esasy mowzugy çalt özgerýän dünýäde täze mümkinçilikleri gözlemekden ybarat. Forumyň çäklerinde geçirilen sergide dürli häzirki zaman tehnologik enjamlar görkezildi.
Halkara forum 4 tematiki ugry öz içine alyp, olarda dünýä ykdysadyýetindäki ösüşler we özgertmeler, durmuş-tehnologiýa ösüşler, adam mümkinçilikleri ýaly ugurlarda çykyşlar diňlenilýär.
Forumda işewür duşuşyklaryna hem aýratyn orun berilýär. Bu ýerde Afrikanyň, Belarusyň, Ýakyn Gündogaryň, Müsüriň, Hindistanyň, Hytaýyň we Merkezi Aziýa döwletleriniň işewürleriniň duşuşyklary göz öňünde tutulýar.
Forumyň çäklerinde kiçi we orta telekeçilik forumy, ýaşlar ykdysady forumy ýaly çäreler hem göz öňünde tutulýar.
