Italiýanyň “Fiorentina” topary “Real Madridiň” serbiýaly hüjümçisi Luka Ýowiçi transfer etdi. “Fiorentina” 24 ýaşyndaky hüjümçi üçin “Real Madride” töleg tölemez. “Fiorentina” Ýowiç bilen 2+2 ýyllyk şertnama baglaşdy. “Real Madrid” topary Ýowiçi 2019-njy ýylda “Aýntrahtdan” 63 million ýewro transfer edipdi. Taryhyň iň şowsuz transferleriniň biri bolan Ýowiç “Realda” 51 duşuşykda (köpüsi ätiýaçdan) meýdança çykyp, 3 gol geçirdi. “Real Madrid” topary Ýowiçiň indiki transferinden 50 göterim hak alar.
