Hindistanyň zergärçilik kompaniýasynyň öndüren ýüzügi Ginnesiň rekordlar kitabyna girizildi. Zergärler bir ýüzüge 24 müň 679 göwher dakmagyň hötdesinden geldiler. Bu barada “Indian Express” neşiri ýazýar.
“SWA Diamonds” kompaniýasynyň ussat hünärmenleri “Ami” atly haşamly uly ýüzügi öndüripdirler. Sanskrit dilinden terjime edilende ol “Ebedilik” diýen manyny berýär. Ýüzügiň dizaýny gülgüne kömeleklere esaslandy. – Bu kömelek bakylygy we uzak ömri aňladýar – diýip, “SWA Diamonds”-yň dolandyryjy müdiri Abdul Gafur Anadýan belledi. Halkanyň agramy 340 gram. Hünärmenler bu ajaýyp zergärçilik önümine 95,243 dollar baha kesdiler.
