Ha­zar deň­zi­niň türk­men ke­na­ryn­da­ky «Awa­za» mil­li sy­ýa­hat­çy­lyk zo­la­gy ýyl-ýyl­dan ös­ýär, öz­ger­ýär. Bu hal­ka­ra de­re­je­li döw­re­bap dynç alyş mer­ke­zi­niň inf­rast­ruk­tu­ra­sy­ny tä­ze-tä­ze des­ga­lar dol­dur­ýar. Ýo­ka­ry de­re­je­li myh­man­ha­na­lar, ça­ga­lar sa­gal­dyş mer­kez­le­ri, kot­tej şä­her­çe­le­ri, sa­gal­dyş we dynç alyş mer­kez­le­ri myh­man­la­ryň hyz­ma­tyn­da. Awa­za­da ak­wa­park­la­ryň, ýaht we sport klub­la­ryň, res­to­ran­la­ryň, kem­ping­le­riň, dür­li gör­nüş­dä­ki att­rak­si­on­la­ryň we söw­da mer­kez­le­ri­niň gur­lu­şy­gy­na aý­ra­tyn üns be­ril­di. Sy­ýa­hat­çy­lyk zo­la­gy­nyň çä­gi ýyl­sa­ýyn gi­ňe­lip, ýer­li hem-de da­şa­ry ýurt­ly sy­ýa­hat­çy­la­ryň ge­lim-gi­dim­li ýe­ri­ne öw­rül­di.
Mun­dan baş­ga-da, «Awa­za» mil­li sy­ýa­hat­çy­lyk zo­la­gy ýo­ka­ry de­re­je­li du­şu­şyk­la­ryň, hal­ka­ra fo­rum­la­ryň we dö­re­di­ji­lik fes­ti­wal­la­ryň ge­çi­ril­ýän iri işe­wür­lik, me­de­ni we sport mer­ke­zi­dir. Ge­çi­ril­ýän hal­ka­ra mas­la­hat­lar, kong­res­ler, fo­rum­lar­dyr ser­gi­ler mu­nuň aý­dyň su­but­na­ma­sy­dyr.

Bu ýer­de 15-16-njy aw­gust­da Bir­le­şen Mil­let­ler Gu­ra­ma­sy­nyň ho­wan­dar­ly­gyn­da Türk­me­nis­ta­nyň baş­lan­gy­jy bi­len Deň­ze çy­kal­ga­sy bol­ma­dyk ösüp bar­ýan ýurt­la­ryň ulag bo­ýun­ça mas­la­ha­ty ge­çi­ri­ler.
Mas­la­ha­ta 30-dan gow­rak döw­let­le­riň we­ki­li­ýet­le­ri, şeý­le hem 30-dan gow­rak hal­ka­ra we ýö­ri­te­leş­di­ri­len gu­ra­ma­la­ryň, şol san­da Bir­le­şen Mil­let­ler Gu­ra­ma­sy­nyň, Ýew­ro­pa­da Howp­suz­lyk we Hyz­mat­daş­lyk Gu­ra­ma­sy­nyň, Yk­dy­sa­dy Hyz­mat­daş­lyk Gu­ra­ma­sy­nyň, Bü­tin­dün­ýä Güm­rük Gu­ra­ma­sy­nyň, Hal­ka­ra Aw­tou­lag bi­le­le­şi­gi­niň, Hal­ka­ra elekt­rik ara­gat­na­şyk bi­le­le­şi­gi­niň, TRA­SE­KA ýa­ly bir­nä­çe bank we ma­li­ýe gu­ra­ma­la­ry­nyň ýol­baş­çy­la­ry­nyň gat­naş­ma­gy­na ga­ra­şyl­ýar.
29-njy iýul­da Döw­let howp­suz­lyk ge­ňe­şi­niň ag­za­la­ry­nyň, we­la­ýat­la­ryň we Aş­ga­bat şä­he­ri­niň hä­kim­le­ri­niň gat­naş­ma­gyn­da san­ly ul­gam ar­ka­ly ge­çi­ri­len Mi­nistr­ler Ka­bi­ne­ti­niň gi­ňiş­le­ýin mej­li­sin­de Mi­nistr­ler Ka­bi­ne­ti­niň Baş­ly­gy­nyň orun­ba­sa­ry, da­şa­ry iş­ler mi­nist­ri bu hal­ka­ra mas­la­ha­ta gö­rül­ýän taý­ýar­lyk ba­ra­da ha­sa­bat ber­di.
Hor­mat­ly Pre­zi­den­ti­miz Türk­me­nis­tan­da deň­ze çy­kal­ga­sy bol­ma­dyk ösüp bar­ýan döw­let­le­riň ulag mi­nistr­le­ri­niň de­re­je­sin­dä­ki hal­ka­ra mas­la­ha­ty ge­çir­mek bi­len bag­la­ny­şyk­ly res­mi­na­ma­la­ry taý­ýar­la­ma­gy we de­giş­li iş to­pa­ry­ny dö­ret­me­gi tab­şyr­dy. Döwlet Baştutanymyz ulag ul­ga­myn­da­ky köp­ta­rap­la­ýyn hyz­mat­daş­ly­gyň ber­ki­dil­me­gi­ne we ös­dü­ril­me­gi­ne gö­nük­di­ri­len bu fo­ru­myň ýo­ka­ry gu­ra­ma­çy­lyk de­re­je­si­niň üp­jün edil­me­gi­niň ze­rur­dy­gy­ny bel­läp, bu ba­bat­da anyk gör­kez­me­le­ri ber­di.
Mä­lim bol­şy ýa­ly, Türk­me­nis­tan BMG de­re­je­sin­de ulag me­se­le­le­ri bo­ýun­ça äh­lu­mu­my gep­le­şik­le­riň ba­şy­ny baş­laý­jy bo­lup çy­kyş ed­ýär. 2016-njy ýyl­da Türk­me­nis­ta­nyň paý­tag­tyn­da Dur­nuk­ly ulag ul­ga­my bo­ýun­ça il­kin­ji äh­lu­mu­my mas­la­hat ge­çi­ril­di. Şeý­le hem Türk­me­nis­ta­nyň baş­lan­gy­jy esa­syn­da BMG-niň Baş As­samb­le­ýa­sy 2014-nji, 2015-nji, 2017-nji we 2021-nji ýyl­lar­da yla­la­şyk esa­syn­da dur­nuk­ly ulag we bu ugur­da hal­ka­ra hyz­mat­daş­ly­gy­ny ös­dür­mek ba­ra­da­ky ka­rar­na­ma­la­ry­ny ka­bul et­di.
Ge­çen ýyl to­mus pas­ly­nyň soň­ky aýyn­da bu ke­na­ryň gö­zel kün­jek­le­ri has-da aja­ýyp keş­be, toý ly­ba­sy­na bes­le­nip, Gah­ry­man Ar­ka­da­gy­my­zyň baş­tu­tan­ly­gyn­da köp­ta­rap­ly döw­le­ta­ra gat­na­şyk­la­ry ös­dür­mä­ge we ber­kit­mä­ge ýar­dam et­jek ta­ry­hy äh­mi­ýet­li wa­ka, ýag­ny Mer­ke­zi Azi­ýa­nyň döw­let Baş­tu­tan­la­ry­nyň kon­sul­ta­tiw du­şu­şy­gy ge­çi­ri­lip­di.
Şeý­le hem şol gün­ler Mer­ke­zi Azi­ýa ýurt­la­ry­nyň ze­nan­la­ry­nyň dia­lo­gy, Mer­ke­zi Azi­ýa ýurt­la­ry­nyň halk­la­ry­nyň mil­li ta­gam­la­ry­nyň hal­ka­ra fes­ti­wa­ly, Mer­ke­zi Azi­ýa ýurt­la­ry­nyň yk­dy­sa­dy fo­ru­my we Mer­ke­zi Azi­ýa ýurt­la­ry­nyň mil­li önüm­le­ri­niň hal­ka­ra ser­gi­si hem üs­tün­lik­li ge­çi­ril­di.
Pa­ra­hat­çy­ly­gyň, dost-do­gan­ly­gyň mer­ke­zi bo­lan «Awa­za» mil­li sy­ýa­hat­çy­lyk zo­la­gyn­da da­şa­ry ýurt­ly myh­man­la­ryň gat­naş­ma­gyn­da mö­hüm çä­re­le­riň bir­nä­çe­si­niň ge­çi­ril­me­gi, Wa­ta­ny­my­zyň naý­ba­şy däp­le­ri­niň bi­ri bo­lan myh­man­sö­ýer­li­giň ýe­ne-de bir su­but­na­ma­sy bo­lar.
Hal­ka­ra baş­lan­gyç­la­ryň ba­şyn­da du­ran, dün­ýä ýü­zün­de Türk­me­nis­ta­nyň at-ab­ra­ýy­ny bar­ha be­len­de gö­ter­ýän hormatly Prezidentimiziň ja­ny sag, öm­ri uzak, il-ýurt bäh­bit­li iş­le­ri he­mi­şe ro­waç bolsun.

Ýaz­gül Ýaz­ba­ýe­wa, Türk­me­nis­ta­nyň Pre­zi­den­ti­niň ýa­nyn­da­ky Döw­let gul­lu­gy
aka­de­mi­ýa­sy­nyň hü­när­me­ni.

Gyzykly bolup bilerЕЩЕ ОТ АВТОРА