Beýik Britaniýanyň Nottingem şäheriniň ýaşaýjysy Şantel Brotonyň akýagyz we garaýagyz ekiz bäbekleri bar. Onuň ogul bäbeginiň derisi akýagyz, gyzynyňky bolsa garaýagyz. 29 ýaşly şepagat uýasy Nottingem şäheriniň çaga dogrulýan hassahanasynda ilki ogly Aýony, soňra garaýagyz gyzy Azirany dünýä inderipdir. 30-njy aprelde dünýä inen bäbekleriň reňki ilkibaşda meňzeşräk eken. Wagtyň geçmegi bilen olaryň ten reňkleriniň arasyndaky tapawut artypdyr. Aziranyň goňur gözi, buýra saçy bar bolsa, ogly Aýon gök gözli we düz saçly.
Şanteliň ýanýoldaşynyň bir tarapy şotlandiýaly, beýleki tarapy ýamaýkaly eken. Şanteliň babasy bolsa, nigeriýaly. Lukmanlaryň pikiriçe, dürli deri reňkli ekiz çaga dogurmak ähtimallygy milliondan bire barabar. Lukmanlar deriniň reňkiniň genetika bilen baglydygyny belleýärler. Deriniň öýjüklerindäki melanin pigmentiniň mukdary deriniň reňkiniň nähili bolmalydygyny kesgitleýär.
