Angliýanyň çempionaty “Premier Liganyň” wekili “Çelsi” topary düzümini güýçlendirmegini dowam edýär. Londonlylar köp wagtdan transferi üçin tagalla edýän oýunçysy Wesli Fofafany ahyry almagy başardy. “Çelsi” bu transfer üçin “Lester Siti” toparyna 70+5 million funt sterling tölär. Iňlis kluby 21 ýaşyndaky fransiýaly merkezi goragçy bilen 7 ýyllyk şertnama baglaşdy. Fofafana “Lesterden” öň “Sent-Etiende” çykyş edýärdi. “Lester” ony 2020-nji ýylyň tomsunda 35 million funta transfer edipdi.
