Italiýanyň futbol çempionaty «Serie A»-da ilkinji gezek bir duşuşyga zenan emin eminlik eder. Çempionatyň 8-nji tapgyrynyň çäginde oýnaljak «Sassuolo» – «Salernitana» duşuşygynda Mariýa Sole Ferrieri Kaputi jürlewük çalar. Şeýlelikde, 31 ýaşyndaky Kaputi «Serie A»-da jürlewük çaljak ilkinji zenan emin bolar. Bu wakany italýan metbugaty «taryhy waka» diýen setirler bilen öz okyjylaryna ýetirdi. Ýurduň futbol taryhyna altyn harplar bilen ýazyljak bu duşuşyk 2-nji oktýabrda, ýekşenbe güni 18:00-da başlanar.
