Ber­ka­rar döw­le­tiň tä­ze eý­ýa­my­nyň Gal­ky­ny­şy döw­rün­de Gah­ry­man Ar­ka­da­gy­my­zyň we Arkadagly Ser­da­ry­my­zyň taý­syz ta­gal­la­la­ry bi­len hal­ky­my­zyň sag­ly­gy, asu­da, aba­dan dur­mu­şy üp­jün edil­ýär. Şo­ňa la­ýyk­lyk­da, her ýy­lyň 1-30-njy sent­ýab­ry ara­ly­gyn­da «Ýol he­re­ke­ti­niň howp­suz­ly­gy – öm­rü­mi­ziň ra­hat­ly­gy» at­ly bi­raý­lyk ge­çi­ril­ýär. Döw­let de­re­je­sin­dä­ki bu çä­rä­niň do­wa­myn­da ýur­du­my­zyň äh­li kün­jek­le­rin­de kö­çe-ýol he­re­ke­ti­niň howp­suz­ly­gy bo­ýun­ça ter­bi­ýe­çi­lik mak­sat­ly giň ge­rim­li iş­ler al­nyp ba­ryl­dy.
Gah­ry­man Ar­ka­da­gy­my­zyň yn­san­per­wer baş­lan­gy­jy bi­len äh­li­halk çä­re­si­ne öw­rü­len «Ýol he­re­ke­ti­niň howp­suz­ly­gy – öm­rü­mi­ziň ra­hat­ly­gy» at­ly bi­raý­lyk ýur­du­my­zyň äh­li kün­je­gin­de ýo­ka­ry gu­ra­ma­çy­ly­ga bes­le­nip ge­çi­ril­di. Bu bi­raý­ly­gyň do­wa­myn­da­ky wa­gyz-ne­si­hat hem-de dü­şün­di­riş çä­re­le­ri ýol he­re­ke­ti­ne gat­naş­ýan py­ýa­da­la­ryň we sü­rü­ji­le­riň äh­li­si­niň hu­kuk dü­şün­je­le­ri­niň kä­mil­leş­me­gi­ne oňyn tä­si­ri­ni ýe­tir­ýär.
Bi­lim eda­ra­la­ryn­da ýol he­re­ke­ti­niň düz­gün­le­ri­niň do­ly hem dog­ry ber­jaý edil­me­gi­ne ba­gyş­la­ny­lan çä­re­le­riň ter­bi­ýe­çi­lik äh­mi­ýe­ti uly bo­lup, olar ýaş nes­liň sag­ly­gy­ny go­ra­ma­ga we kö­çe-ýol he­re­ket­le­ri ar­ka­ly ýü­ze çyk­ýan ha­dy­sa­la­ryň öňü­ni al­ma­ga, her bir maş­ga­la­nyň gu­wan­jy bo­lan ýaş nes­liň öm­rü­niň ra­hat­ly­gy­ny go­ra­ma­ga gö­nük­di­ri­len­dir. Bi­raý­ly­gyň do­wa­myn­da umu­my bi­lim eda­ra­la­ryn­da ýol he­re­ke­ti­niň düz­gün­le­ri­ni ber­jaý et­mek, ýol-ulag ha­dy­sa­la­ry­nyň öňü­ni al­mak bo­ýun­ça ýö­ri­te iş­ler ge­çi­ril­di.
Ata Wa­ta­ny­my­zyň asu­da, pa­ra­hat, bag­ty­ýar dur­mu­şy ug­run­da ge­çi­ri­len bi­raý­lyk jem­gy­ýe­ti­mi­ziň iň gym­mat­ly baý­ly­gy bo­lan yn­san sag­ly­gy we onuň howp­suz­ly­gy ha­kyn­da döw­let de­re­je­sin­dä­ki ala­da­nyň aý­dyň be­ýa­ny­dyr. Giň ýol­lar­da saz­la­şyk­ly he­re­ket­le­riň üp­jün edil­me­gi, ola­ryň döw­re­bap­laş­dy­ryl­ma­gy hem ýur­du­my­zyň ösü­şi­niň ke­pi­li­dir. Ga­raş­syz­lyk ýyl­la­ry için­de ga­za­nylan äh­li­halk dur­muş ugur­ly mak­sat­la­ry­nyň ösü­şi­ni, öz­ge­ri­şi­ni döwrebap ýol­la­ryň dün­ýä ül­ňü­le­ri­ne hem-de mil­li ýö­rel­ge­le­ri­mi­ze la­ýyk ge­ti­ril­me­gin­den gör­mek bol­ýar.
Ýol he­re­ke­ti­ne gat­na­şy­jy her bir ra­ýa­tyň şah­sy ýo­lag­çy ýa-da sü­rü­ji hök­mün­de kö­çe-ýol he­re­ke­ti­niň düz­gün­le­ri­ni bil­me­gi, do­ly we dog­ry ber­jaý et­me­gi hök­ma­ny­dyr. Şo­ňa gö­rä-de, ýol­lar­da özü­ňi alyp bar­ma­gyň düz­gün­le­ri ba­ra­da­ky mag­lu­mat­lar bi­len ýa­kyn­dan tan­şy­lyp, bu bi­raý­ly­ga ba­gyş­la­nyp ge­çi­ri­len çä­re­le­re ag­zy­bir­lik bi­len iş­jeň gat­na­şyl­dy. Çün­ki howpsuz ýol­lar bi­ziň her bi­ri­mi­zi ak bag­ta atar­ýar.
Hor­mat­ly Pre­zi­den­ti­mi­ziň hu­kuk go­raý­jy eda­ra­la­ry­nyň işi­ne ber­ýän hem­me­ta­rap­la­ýyn gol­da­wy üçin sag­bol­sun aý­dyp, mun­dan beý­läk hem ýur­du­myz­da jem­gy­ýet­çi­lik asu­da­ly­gy­ny we hu­ku­gy­ny go­ra­mak­da, hu­kuk bo­zul­ma­la­ry­nyň öňü­ni al­mak­da, ýan­gyn we ýol he­re­ke­ti­niň howp­suz­ly­gy­ny üp­jün et­mek­de gul­lu­gy­my­zy gy­şar­nyk­syz ýe­ri­ne ýe­tir­jek­di­gi­mi­ze ynan­dyr­ýa­rys. Hal­ky­my­zyň we ýaş nes­liň sag­ly­gy ha­kyn­da ala­da ed­ýän hor­mat­ly Pre­zi­den­ti­mi­ziň ja­ny sag, öm­ri uzak bol­sun, be­ýik iş­le­ri he­mi­şe ro­waç­lyk­la­ra bes­len­sin!

Ýal­kap HU­DAÝ­BER­DI­ÝEW,
Ahal we­la­ýa­ty­nyň Gök­de­pe et­rabynyň Po­li­si­ýa bö­lü­mi­niň po­li­si­ýa­nyň ýol gö­zeg­çi­lik bö­lüm­çe­si­niň wa­gyz-ne­si­hat iş­le­ri bo­ýun­ça gö­zeg­çi­si, po­li­si­ýa­nyň leý­te­nan­ty.

Gyzykly bolup bilerЕЩЕ ОТ АВТОРА