Berkarar döwletiň täze eýýamynyň Galkynyşy döwrüniň «Halkyň Arkadagly zamanasy» ýylynda hormatly Prezidentimiziň baştutanlygynda ýurdumyzyň sebitlerini ösdürmäge, ilatyň ýaşaýyş-durmuş şertlerini ýokarlandyrmaga, ýurdumyzyň ykdysady kuwwatyny artdyrmaga gönükdirilen işler üstünlikli dowam etdirilýär. Ýurdumyzyň döwletlilik binýady has-da berkidilip, halkymyzyň ýaşaýyş-durmuş derejesiniň ýokarlandyrylmagyna gönükdirlen maksatnamalar, ykdysady özgertmeler durmuşa geçirilýär we täze iş orunlary döredilýär. Munuň özi hormatly Prezidentimiziň: «Halkyň abadan, asuda we bagtyýar durmuşda ýaşamagy hakyndaky alada döwlet syýasatymyzda hemişe öňe sürýän baş maksadymyzdyr» diýen sözleriniň ýurdumyzda adam hakynda edilýän aladadan nyşandygyny aýdyň görkezýär.

Hä­zir­ki wagt­da 2022-2052-nji ýyl­lar­da Türk­me­nis­ta­nyň dur­muş-yk­dy­sa­dy sy­ýa­sa­ty dur­nuk­ly yk­dy­sa­dy ösü­şi üp­jün et­mä­ge, döw­let do­lan­dy­ryş ul­ga­my­ny yzy­gi­der­li kä­mil­leş­dir­mä­ge, ila­tyň dur­muş taý­dan go­rag­ly­ly­gy­ny art­dyr­ma­ga, hal-ýag­da­ýy­ny mun­dan beý­läk-de ýo­kar­lan­dyr­ma­ga hem-de aba­dan we bag­ty­ýar ýa­şaý­şy­ny üp­jün et­mä­ge gö­nük­di­ri­len­dir. «Türk­me­nis­ta­nyň Pre­zi­den­ti­niň ýur­du­my­zy 2022-2028-nji ýyl­lar­da dur­muş-yk­dy­sa­dy taý­dan ös­dür­me­giň Mak­sat­na­ma­sy­na», şeý­le-de «Türk­me­nis­ta­nyň Pre­zi­den­ti­niň oba­la­ryň, şä­her­çe­le­riň, et­rap­lar­da­ky şä­her­le­riň we et­rap mer­kez­le­ri­niň ila­ty­nyň ýa­şa­ýyş-dur­muş şert­le­ri­ni öz­gert­mek bo­ýun­ça 2028-nji ýy­la çen­li dö­wür üçin Mil­li mak­sat­na­ma­sy­na» la­ýyk­lyk­da, ýur­du­my­zyň yk­dy­sa­dy­ýe­ti­niň äh­li pu­dak­la­ry­ny döw­re­bap­laş­dyr­mak, we­la­ýat­la­ryň şä­her­le­ri­ni we oba­la­ry­ny ös­dür­mek bo­ýun­ça ýur­du­myz­da yk­dy­sa­dy­ýe­tiň äh­li pu­dak­la­ry döw­re­bap­laş­dy­ryl­ýar we san­ly ul­ga­ma ge­çi­ril­ýär. Şo­nuň ýa­ly-da, ýur­du­my­zyň ila­ty­nyň kö­pel­me­gi, şä­her­leş­me de­re­jä­mi­ziň ös­me­gi, dür­li ugur­ly se­na­gat kär­ha­na­la­ryň art­ma­gy bi­len şä­her­gur­lu­şyk işi­niň ös­dü­ril­me­gi ba­bat­da giň möç­ber­li mak­sat­na­ma­la­ýyn iş­ler al­nyp ba­ryl­ýar. Şeý­le hem ýur­du­myz­da dur­nuk­ly ösüş mak­sat­la­ry­ny dur­mu­şa ge­çir­mek, iri do­lan­dy­ryş-çäk bir­lik­le­ri­ni dö­ret­mek hem-de dur­muş-yk­dy­sa­dy ösü­şiň mö­hüm gör­ke­zi­ji­le­ri­niň bi­ri bo­lan şä­her­leş­me de­re­je­si­ni ýo­kar­lan­dyr­mak ba­bat­da mak­sat­na­ma­la­ýyn, giň ge­rim­li iş­ler hem dur­mu­şa ge­çi­ril­ýär.

Şu ýy­lyň 22-nji okt­ýab­ryn­da Gahryman Arkadagymyzyň baş­tu­tan­ly­gyn­da Mil­li Ge­ňe­şiň Halk Mas­la­ha­ty­nyň ag­za­la­ry­nyň we Mej­li­siň de­pu­tat­la­ry­nyň, we­la­ýat­la­ryň hä­kim­le­ri­niň, kä­bir mi­nistr­lik­le­riň we pu­dak­la­ýyn do­lan­dy­ryş eda­ra­la­ry­nyň, sy­ýa­sy par­ti­ýa­la­ryň, jem­gy­ýet­çi­lik gu­ra­ma­la­ry­nyň ýol­baş­çy­la­ry­nyň gat­naş­mak­la­ryn­da ýur­du­my­zyň döw­let do­lan­dy­ryş ul­ga­my­ny has-da kä­mil­leş­dir­mek, we­la­ýat­la­ryň et­rap­la­ry­nyň, şä­her­le­ri­niň we oba­la­ry­nyň do­lan­dy­ryş-çäk bir­lik­le­ri­ne gaý­ta­dan se­ret­mek me­se­le­le­ri­ne ba­gyş­la­nyp ge­çi­ri­len mej­li­si hem onuň aý­dyň gü­wä­si­dir.
Ber­ka­rar döw­le­ti­miz­de oba­la­ry­myz Oba mil­li mak­sat­na­ma­sy­nyň üs­tün­lik­li dur­mu­şa ge­çi­ril­me­gi ne­ti­je­sin­de tä­ze keş­be eýe bo­lup, ola­ryň çäk­le­ri bar­ha gi­ňel­ýär. Ýur­du­my­zyň do­lan­dy­ryş-çäk gur­lu­şy­ny kä­mil­leş­dir­mek bo­ýun­ça ge­çi­ri­len iş­le­riň ne­ti­je­sin­de soň­ky dö­wür­de oba­la­ryň en­çe­me­si şä­her­çe hu­kuk ýag­da­ýy­na eýe bol­ýar­lar.
Türk­me­nis­ta­nyň Kons­ti­tu­si­ýa­sy­na la­ýyk­lyk­da, do­lan­dy­ryş-çäk bir­lik­le­ri­ni dö­ret­me­giň we üýt­get­me­giň ter­ti­bi «Türk­me­nis­ta­nyň do­lan­dy­ryş-çäk gur­lu­şy­nyň me­se­le­le­ri­ni çöz­me­giň ter­ti­bi ha­kyn­da» Türk­me­nis­ta­nyň Ka­nu­ny bi­len kes­git­len­ýär. Ka­nu­na la­ýyk­lyk­da, we­la­ýat­la­ry, et­rap­la­ry, şä­her­dä­ki et­rap­la­ry, ge­ňeş­lik­le­ri dö­ret­mek we ýa­tyr­mak, ilat­ly ýer­le­ri şä­her­le­riň, şä­her­çe­le­riň, oba­la­ryň de­re­je­si­ne de­giş­li et­mek, ola­ryň ady­ny üýt­get­mek, şeý­le hem do­lan­dy­ryş-çäk gur­lu­şy­nyň beý­le­ki me­se­le­le­ri­ni çöz­mek we­la­ýat­la­ryň hä­kim­lik­le­ri­niň hem-de Türk­me­nis­ta­nyň Mi­nistr­ler Ka­bi­ne­ti­niň tek­lip­na­ma­la­ry bo­ýun­ça Türk­me­nis­ta­nyň Mil­li Ge­ňe­şi ta­ra­pyn­dan ama­la aşy­ryl­ýar. Bu ba­bat­da de­giş­li tek­lip­ler iş­le­nip taý­ýar­la­nan­da, ne­ti­je­li do­lan­dy­ryş, yk­dy­sa­dy müm­kin­çi­lik­ler, ilat üçin döw­let hyz­mat­la­ry­nyň el­ýe­ter­li­li­gi, se­na­gat­laş­dyr­mak, iri ilat­ly ýer­le­ri dö­ret­mek we bu ýer­le­ri gel­jek­de ös­dür­mek üçin amat­ly şert­le­ri üp­jün et­mek nuk­daý­na­za­ryn­dan ugur alyn­ýar.
Bel­le­ni­li­şi ýa­ly, ýer, suw se­riş­de­le­rin­den re­je­li peý­da­lan­ma­gyň we do­lan­dyr­ma­gyň ne­ti­je­li usul­la­ry­nyň or­naş­dy­ryl­ýan döw­rün­de ýur­du­myz bo­ýun­ça do­lan­dy­ryş-çäk gur­lu­şy­ny kä­mil­leş­dir­me­giň çäk­le­rin­de taý­ýar­la­ny­lan tek­lip­le­re la­ýyk­lyk­da, 6 et­ra­by, 5 sa­ny et­rap hu­kuk­ly şä­he­ri, 1 sa­ny şä­her­dä­ki et­ra­by, 2 şä­her­çä­ni, 36 sa­ny ge­ňeş­li­gi ýa­tyr­mak, 36 oba­ny do­lan­dy­ryş-çäk bir­lik­le­ri­niň sa­na­wyn­dan aýyr­mak bo­ýun­ça tek­lip­ler öňe sü­rül­di. Şeý­le-de, dur­muş-yk­dy­sa­dy ösü­şiň mö­hüm gör­ke­zi­ji­le­ri­niň bi­ri bo­lan şä­her­leş­me de­re­je­si­ni ýo­kar­lan­dyr­mak mak­sa­dy bi­len, 6 oba şä­her­çe de­re­je­si­ni be­rip, 19 oba­ny we 3 sa­ny şä­her­çä­ni şä­her­le­re bi­rik­dir­mek bi­len, iri do­lan­dy­ryş-çäk bir­lik­le­ri­ni eme­le ge­tir­mek hem-de 6 sa­ny ilat­ly ýe­re oba de­re­je­si­ni ber­mek tek­lip edil­di. Mun­dan baş­ga-da, mej­lis­de hä­zir­ki döw­rüň ta­lap­la­ryn­dan ugur alyp, ýur­du­my­zyň ila­ty­nyň oba ýer­le­ri­niň ta­ry­hy at­la­ry­nyň di­kel­dil­me­gi bi­len bag­ly tek­lip­le­ri­ni, ha­ýyş­na­ma­la­ry­ny göz öňün­de tu­tup, ýur­du­myz bo­ýun­ça 2 et­ra­byň, 3 şä­he­riň, 4 şä­her­çä­niň, 3 ge­ňeş­li­giň hem-de 21 oba­nyň ady­ny üýt­get­mek bo­ýun­ça tek­lip­le­riň taý­ýar­la­nan­dy­gy ba­ra­da ha­bar be­ril­di.
Mej­lis­de hor­mat­ly Ar­ka­da­gy­myz bu ugur­da al­nyp ba­ryl­ýan iş­le­riň mil­li yk­dy­sa­dy­ýe­ti­mi­ziň saz­la­şyk­ly ösü­şi­ne, hal­ky­my­zyň ýa­şa­ýyş-dur­muş de­re­je­si­niň ýo­kar­lan­ma­gy­na we ýur­du­my­zyň do­lan­dy­ryş-çäk bir­lik­le­ri­niň işi­niň mun­dan beý­läk-de kä­mil­leş­di­ril­me­gi­ne oňyn müm­kin­çi­lik­le­ri aç­jak­dy­gy­na ynam bil­dir­di we ma­li­ýe se­riş­de­le­ri­niň ýur­du­my­zyň dur­muş ul­ga­my­na, mek­dep­le­riň we ça­ga­lar bag­la­ry­nyň, sag­lyk eda­ra­la­ry­nyň gur­lu­şy­gy­na, ösüp gel­ýän ýaş ne­sil­le­riň saz­la­şyk­ly ösü­şi­niň üp­jün edil­me­gi­ne gö­nük­di­ril­me­gi­niň mak­sa­da­la­ýyk bol­jak­dy­gy­ny bel­le­di.
Bu işiň esa­syn­da adam­la­ryň ýa­şa­ýyş-dur­muş de­re­je­si­ni we hi­li­ni ýo­kar­lan­dyr­mak, ola­ryň döw­let işi­ne iş­jeň gat­naş­mak­la­ry­ny hö­wes­len­dir­mek, ýur­du­my­zyň se­bit­le­ri­niň ösü­şi­ni ga­zan­mak, se­na­gat taý­dan ösen döw­let­le­riň ara­syn­da Türk­me­nis­ta­nyň or­nu­ny mun­dan beý­läk-de pug­ta­lan­dyr­mak, yl­myň we teh­ni­ka­nyň soň­ky ga­za­nan­la­ry esa­syn­da in­no­wa­si­on iş­le­ri Wa­ta­ny­my­zyň yk­dy­sa­dy kuw­wa­ty­ny ber­kit­mä­ge gö­nük­dir­mek, pu­dak­la­ryň bäs­deş­li­ge ukyp­ly­ly­gy­ny ýo­kar­lan­dyr­mak, döw­re­bap teh­no­lo­gi­ýa­la­ry yzy­gi­der­li or­naş­dyr­mak ar­ka­ly iri hä­zir­ki za­man önüm­çi­lik­le­ri dö­ret­mek ýa­ly anyk mak­sat­lar­dyr we­zi­pe­ler dur­ýar. Hä­zir­ki dö­wür­de ösüş­le­riň be­lent­lik­le­ri­ne ta­rap ynam­ly ga­dam ur­ýan eziz Di­ýa­ry­myz­da mö­hüm äh­mi­ýet­li we giň möç­ber­li öz­gert­me­ler üs­tün­lik­li dur­mu­şa ge­çi­ril­ýär. Mil­li yk­dy­sa­dy­ýet­de san­ly ul­ga­my or­naş­dyr­mak bo­ýun­ça öň­de­ba­ry­jy döw­let­le­riň ha­ta­ry­na go­şu­lyş­mak, elekt­ron se­na­ga­ty dö­ret­mek, adam ma­ýa­sy­na, işe­wür­li­ge we mag­lu­mat-ara­gat­na­şyk teh­no­lo­gi­ýa­la­ry­nyň soň­ky ga­za­nan­la­ry­na esas­lan­ýan ösen yk­dy­sa­dy­ýe­ti ke­ma­la ge­tir­mek san­ly öz­gert­me­le­riň bü­tin­dün­ýä de­re­je­sin­de we ýo­ka­ry tiz­lik bi­len ýaý­ra­ýan döw­rün­de gaý­ra­go­ýul­ma­syz me­se­le­dir.
Öz­gert­me­le­riň çäk­le­rin­de Gahryman Arkadagymyz hormatly Prezidentimiziň Döwlet Maslahatynda eden ta­ry­hy çy­ky­şyn­da ýur­du­my­zyň ila­ty­nyň kö­pel­ýän­di­gi, şä­her­leş­me de­re­je­si­niň ös­ýän­di­gi, se­na­gat kär­ha­na­la­ry­ny we zo­lak­la­ry­ny ös­dür­me­gi mak­sat edin­ýän­di­gi­miz ba­ra­da aý­dan­la­ry­ny dur­mu­şa ge­çir­mek mak­sa­dy bi­len, 36 sa­ny oba­nyň go­la­ýyn­da ýer­leş­ýän ilat­ly ýer­le­re bi­ri­gen­di­gi­ni göz öňün­de tu­tup, ola­ry bir­leş­dir­me­giň, 6 sa­ny oba şä­her­çe de­re­je­si­ni ber­me­giň, we­la­ýat­lar­da ýö­ri­te ýer gaz­na­sy­nyň çä­gin­de ra­ýat­la­ra jaý gur­mak üçin ber­len mel­lek ýer­le­rin­de dö­rän 5 sa­ny ilat­ly ýe­re oba de­re­je­si­ni be­rip, 5 sa­ny oba­ny dö­ret­me­giň tek­lip edil­ýän­di­gi­ni bel­le­di.
Umu­man, ýo­kar­da be­ýan edi­len tek­lip­le­riň dur­mu­şa ge­çi­ril­me­gi dur­nuk­ly ösüş üçin ýur­du­myz­da bar bo­lan se­riş­de­le­riň we müm­kin­çi­lik­le­riň has do­ly üp­jün edil­me­gi­ne, Döw­let býu­je­ti­niň se­riş­de­le­ri­niň me­ýil­na­ma­la­ýyn we mak­sa­da­la­ýyk peý­da­la­ny­ly­şy­na gö­zeg­çi­lik et­mä­ge, se­na­gat­laş­ma de­re­je­si­niň ýo­kar­lan­dy­ryl­ma­gy­na, şeý­le hem ýur­du­my­zyň se­bit­le­ri­niň dur­muş-yk­dy­sa­dy ösü­şi­niň ýo­ka­ry dep­gin­ler bi­len al­nyp ba­ryl­ma­gy­na ýar­dam eder hem-de se­bit­le­riň mil­li yk­dy­sa­dy­ýe­ti­mi­zi döw­re­bap­laş­dyr­ma­ga goş­ýan go­şan­dy­ny art­dy­rar.

Aý­gö­zel NUR­LY­ÝE­WA,
Türkmenistanyň Milli Geňeşiniň Halk Maslahatynyň Adam hukuklaryny we azatlyklaryny goramak baradaky komitetiniň agzasy

Gyzykly bolup bilerЕЩЕ ОТ АВТОРА