9-njy dekabrda – şu gün Russiýanyň Prezidenti Wladimir Putin Ýewraziýa Ykdysady Bileleşiginiň sammitine gatnaşmak üçin Gyrgyz paýtagtyna geldi. Bu barada “RIA Nowosti” habarlar gullugy habar berdi.
Wladimir Putiniň häzirki sammitiň çäklerinde Ermenistanyň Premýer-ministri Nikol Paşinýan bilen duşuşjakdygy tassyklanylýar.
Ýewraziýa Ykdysady Bileleşiginiň sammiti şu gün Bişkekde çäkli we giňeldilen görnüşlerde geçiriler.
Ýewraziýa Ykdysady Bileleşigi halkara sebit guramasy bolup, oňa bäş ýurt: Ermenistan, Belarus, Gazagystan, Gyrgyzysan hem-de Russiýa girýär.
