Esasy ýyldyzlarynyň biri bolan Žoao Feliksi “Çelsi” toparyna ugradan “Atletiko Madrid” portugaliýaly oýunçynyň öwezini “Barselonanyň” niderland hüjümçisi Memfis Depaý bilen doldy. Madridliler 28 ýaşyndaky ýyldyz oýunçy bilen 2,5 ýyllyk şertnama baglaşdy. “Atletiko” Depaýyň transferi üçin 3+1 million ýewro berer. 1,5 möwsüm “Barselonada” oýnan Depaý 42 oýunda 14 gol geçirdi. Depaý “Barselonadan” öň Lion”, “Mançester Ýunaýted” hem-de PSW klublarynyň köýnekçelerini geýipdi.
