UEFA Çempionlar Ligasynda şu gije çärýek finalçylaryň 2-si belli bolar. Bu ugurda “Benfika” bilen “Borussiýa Dortmund” häzirlikçe bir ädim öňde bolup, olaryň dowam edip-etmejegini gijeki duşuşyklar kesgitlär.
1-nji duşuşykda 1-0 hasabynda asgyn gelen “Çelsi” öz meýdançasynda “Borussiýa Dortmund” bilen duşuşar. Duşuşyk 01:00-da başlar we oňa Niderlandlardan Danni Makkeli eminlik eder.
Beýleki duşuşykda-da “Benfika” Portugaliýada “Klub Brýugge” bilen çärýek finala çykmak üçin güýç synanyşar. 1-nji duşuşykda 2-0 hasabynda ýeňiş gazanan “Benfikanyň” çärýek finala golaý tarapdygyny aýtsa bolar. Duşuşyga türkiýeli Halil Umut Meler eminlik eder.
Şeýle-de, Ýewropa Konferensiýa Ligasynyň 1/8 finalynyň çäginde şu gün “Lasio” öz meýdançasynda “AZ Alkmaar” bilen duşuşar. Duşuşyk 22:45-de başlanar.
