Arkadag Serdarly bagtyýar ýaşlar ýylynda Türkmenistanyň Konstitusiýasynyň hem-de Türkmenistanyň Döwlet baýdagynyň güni şatlyk-şagalaňa beslenip toýlanýar. Demokratik, hukuk, dünýewi döwlet, parahatçylyk, ynsanperwerlik, adalatlylyk baradaky milli düşünjelerimizi özünde jemleýän Konstitusiýamyz hem-de dostlugymyzyň we hoşniýetliligimiziň nyşany hökmünde Ýer ýüzünde belentden pasyrdaýan Döwlet baýdagymyz biziň milli guwanjymyzdyr, dünýä ýaň salýan abraýymyz we mertebämizdir.

Türk­me­nis­ta­nyň Kons­ti­tu­si­ýa­sy ka­da­laş­dy­ry­jy hu­kuk­na­ma­lar ul­ga­myn­da hu­kuk taý­dan iň ýo­ka­ry güý­je eýe­dir. Şu­nuň bi­len bag­ly­lyk­da, on­da ber­ki­di­len ka­da­lar we düz­gün­ler Türk­me­nis­ta­nyň bü­tin çä­gin­de he­re­ket ed­ýär.
Türk­me­nis­ta­nyň Kons­ti­tu­si­ýa­sy ka­nu­nyň rüs­tem­li­gi­ni yk­rar et­mek bi­len, hem­me­le­riň ka­nu­nyň öňün­de deň­di­gi­ni, jem­gy­ýe­tiň gym­mat­ly ha­zy­na­sy­nyň adam­dy­gy­ny, ra­ýa­tyň ab­ra­ýy­ny, mer­te­be­si­ni we azat­ly­gy­ny döw­le­tiň go­ra­ýan­dy­gy­ny be­ýan ed­ýär. Şeý­le hem on­da her bir ra­ýa­tyň ka­nun­lar­dan ge­lip çyk­ýan borç­la­ry­ny ýe­ri­ne ýe­tir­mek­de döw­le­tiň öňün­de jo­gap­kär­di­gi gör­ke­zil­ýär.

KONS­TI­TU­SI­ON ÖZ­GERT­ME­LER – ÖSÜŞ­LE­RIŇ BIN­ÝA­DY
Kons­ti­tu­si­ýa­myz – Esa­sy Ka­nu­ny­myz hor­mat­ly Pre­zi­den­ti­mi­ziň öňe sür­ýän öz­gert­me­le­ri­niň üs­tün­lik­li ýe­ri­ne ýe­ti­ril­me­gi­niň sy­ýa­sy we hu­kuk esa­sy bo­lup dur­ýar.
Döw­le­ti­mi­ziň Esa­sy Ka­nu­ny – uzak­möh­let­li he­re­ket ed­ýän ka­da­laş­dy­ry­jy hu­kuk na­ma bo­lup, onuň ma­ny-maz­mu­ny bu na­ma­nyň hu­kuk de­re­je­si bi­len kes­git­len­ýär. Ol dö­wür­le­riň we ne­sil­le­riň, hal­kyň ag­zy­bir­li­gi­niň we je­bis­li­gi­niň be­ýik mak­sat­la­ra, jem­gy­ýe­ti­mi­ziň saý­lap alan pa­ra­hat, ro­waç­lyk ýo­lu­na üýt­gew­siz yg­rar­ly­ly­gy­nyň üz­nük­siz ara­bag­la­ny­şy­gy­nyň aý­dyň be­ýa­ny­dyr.
Şu ýyl Baş Ka­nu­ny­my­zyň ka­bul edi­le­ni­ne 31 ýyl dol­ýar. Ta­ry­hy nuk­daý­na­zar­dan gys­ga wag­tyň için­de Türk­me­nis­tan­da düýp­li öz­gert­me­ler bo­lup geç­di. Kons­ti­tu­si­on öz­gert­me­ler 1995-nji, 1999-njy, 2003-nji, 2005-nji, 2006-njy, 2008-nji, 2016-njy, 2017-nji we 2020-nji ýyl­lar­da gi­ri­zil­di. Ge­çen ýyl­la­ryň do­wa­myn­da döw­let-hu­kuk gur­lu­şy­na de­giş­li bo­lan bir­nä­çe ka­nun­lar ka­bul edil­di we en­çe­me çä­re­ler ge­çi­ril­di.
Döw­le­ti­mi­ziň ösü­şi­niň her tap­gy­ry özü­niň aý­ra­tyn­ly­gy bi­len ta­pa­wut­lan­ýar. 2019-njy ýy­lyň 25-nji sent­ýab­ryn­da Gahryman Arkadagymyzyň baş­lan­gy­jy bi­len Türk­me­nis­ta­nyň ka­nun çy­ka­ry­jy eda­ra­sy­nyň işi­ni we gur­lu­şy­ny kä­mil­leş­dir­mek mak­sa­dy bi­len, kons­ti­tu­si­on öz­gert­me­le­riň tä­ze tap­gy­ry yg­lan edil­di.

DÖW­LET TU­GU­MYZ – BUÝ­SAN­JY­MYZ
En­çe­me asyr­la­ryň do­wa­myn­da hal­ky­my­zyň ýü­re­gin­de bes­läp ge­len ar­zuw-is­leg­le­ri­ni, mil­li hä­si­ýe­ti­ni, yn­san­per­wer­lik ýö­rel­ge­le­ri­ni özün­de jem­le­ýän Döw­let baý­da­gy­myz her bir türk­men üçin mu­kad­des hem eziz­dir. Bir bi­te­wi döw­let­li­li­giň, öz­baş­dak­ly­gyň, Ga­raş­syz­ly­gyň ny­şa­ny bo­lan ýa­şyl Tu­gu­myz Ber­ka­rar döw­le­tiň tä­ze eý­ýa­my­nyň Gal­ky­ny­şy döw­rün­de türk­men hal­ky­nyň buý­san­jy­na, gu­wan­jy­na öw­rül­di. Her bir mil­le­tiň, döw­le­tiň jem­gy­ýet­çi­lik aňy­na, ru­hu­na tä­sir ed­ýän aý­ra­tyn ta­pa­wut­ly ala­mat­la­ryň bol­şy ýa­ly, Döw­let baý­da­gy­myz hem hal­ky­my­zyň ru­hu­ny ga­nat­lan­dyr­ýan ny­şan­dyr, ata Wa­ta­ny­my­zyň Ga­raş­syz­ly­gy­nyň, asu­da­ly­gy­nyň, pa­ra­hat­çy­lyk sö­ýü­ji­li­gi­niň we ra­ýat­la­ryň öz ýur­du­na bo­lan buý­san­jy­nyň ke­pi­li­dir.
Ýa­şyl Tu­gu­myz hal­ky­my­zyň pa­ra­hat­çy­lyk mak­sat­la­ry­na üýt­gew­siz yg­rar­ly­dy­gy­ny buş­lap, asu­da as­man­da be­lent­de par­la­ýar. Ak mer­mer­li paý­tag­ty­my­zyň gü­nor­ta bö­le­gin­de ýer­le­şen, dün­ýä­de iň be­ýik sü­tün­le­riň bi­ri bo­lan 133 metr­lik baý­dak sü­tü­nin­de par­la­ýan Türk­me­nis­ta­nyň döw­let baý­da­gy hal­ky­my­zyň mil­li buý­san­jy­ny ala­mat­lan­dyr­ýar.
Ýaş nes­li be­lent yn­san­per­wer­lik ru­hun­da ter­bi­ýe­le­mek­de mil­li Tu­gu­my­zyň äh­mi­ýe­ti örän ulu­dyr. Baý­dak – döw­le­tiň buý­san­jy, öz­baş­dak­ly­gy­nyň ala­ma­ty. Döw­let Tu­gu­myz hal­ky­my­zyň geç­mi­şi­ni, şu gü­nü­ni, gel­je­gi­ni gör­kez­ýär. Ýa­şyl Tu­gu­myz – bi­ziň göz-gu­wan­jy­myz, de­pä­mi­ziň tä­ji. Ol bi­ziň mer­te­bä­miz bo­lup, be­lent­de par­la­ýar. Bi­ziň üs­tün­lik­le­ri­mi­zi, şan­ly ösüş­le­ri­mi­zi, be­ýik ýe­ňiş­le­ri­mi­zi buş­lap, türk­men döw­le­ti­ni äle­me äş­gär ed­ýär.
Ber­ka­rar döw­le­tiň tä­ze eý­ýa­my­nyň Gal­ky­ny­şy döw­rün­de äh­li pu­dak­lar­da ga­za­nyl­ýan ab­raý­ly üs­tün­lik­ler kal­by­my­za mu­kad­des­lik bo­lup or­nan ýa­şyl Baý­da­gy­my­zyň Ýer ýü­zün­dä­ki mer­te­be­si­ni has-da be­len­de gö­ter­ýär.

Be­genç ATA­ÝEW,
Ýag­şy­gel­di Ka­ka­ýew adyn­da­ky Hal­ka­ra ne­bit we gaz uni­wer­si­te­ti­niň mu­gal­ly­my.

Gyzykly bolup bilerЕЩЕ ОТ АВТОРА