“Bundesligada” bassyr 11-nji çempionlygyny gazanan “Bawariýa” topary täze möwsüm üçin ilkinji transferini mälim etdi. Münhen şäheriniň wekili awstraliýaly ýarymgoragçy Konrad Laimeri düzümine goşdy. “Leipsig” topary bilen şertnamasy tamamlanan 26 ýaşyndaky oýunçy tölegsiz ýagdaýda “Bawariýanyň” futbolçysy boldy. Laimer “Bawariýa” bilen 2027-nji ýylyň tomsuna çenli, ýagny 4 ýyllyk şertnama baglaşdy. 2,5 ýyl “RB Salsburgda” oýnan Laimer 2017-nji ýylyň gyşyndan bäri “Leipsigiň” köýnçeksini geýip gelýärdi. Ol “Leipsigde” 190 oýunda 15 gezek tapawutlandy. Laimer Awstriýanyň ýygyndysynda 26 oýunda 2 gezek tapawutlandy.
