Bir hepdäniň dowamynda 2 rekord goýan keniýaly ýeňil atletikaçy Fait Kipýegon gazanan pul baýragy bilen kakasyna söz beren ýeňil atwoulagyny aljakdygyny aýtdy. 29 ýaşynda türgeni Keniýanyň Prezidenti William Ruto kabul etdi. Şonda Prezident Ruto türgene Nairobiden bir öý hem-de 36 müň dollarlyk pul sowgat berdi. Bu barada Kipýegon: – Gowşurylan sowgatlar üçin men örän şat. Indi Nairobide öýüm bar. Berlen pul bilenem kakama söz beren ulagymy alyp bilerin – diýip, öz begenjini paýlaşdy.
Olimpiýa we Dünýä çempiony Fait Kipýegon şu aýyň başynda Göwher Liganyň 3-nji tapgyrynda zenanlaryň arasyndaky 1500 metr ýaryşynda 3 minut 49,11 sekuntda pellehana gelip, 8 ýyllyk rekordy täzeläpdi. Bir hepde soňam Göwher Liganyň 4-nji ýaryşynda, Parižde geçirilen bäsleşikde 5000 metr aralygy 14 minut 5,2 sekuntda geçip, dünýä rekordyny goýupdy.
