Dünýäniň iň abraýly welosport ýaryşy bolan “Tour de France” bäsleşigi tamamlandy. 110-njy gezek geçirilen ýaryşda çempion üýtgemedi. “Jumbo-Visma” toparynyň daniýaly türgeni Ýonas Wingegor “Tour de France” bäsleşigindäki bassyr 2-nji ýeňşini baýram etdi. Ol 3 müň 406 kilometr aralygy 82 sagat 5 minut 42 minutda tamamlamagy başardy. Wingegor 6-njy tapgyrda umumy sanawda 1-nji orna geçip, soňuna çenli egnine geýen sary köýnekçesini çykarman çempionlyk gazandy. Wingegor diňe 1 tapgyrda, 16-njy tapgyrda ýeňiji boldy. “Alpecin–Deceuninck” toparynyň türgeni 4 tapgyrda ýeňiş gazandy.
Ýaryşda “BAE Emirates” toparynyň türgenleri – 2020-nji we 2021-nji ýyllaryň çempiony sloweniýaly Tadeý Pogaçar, şol sanda britaniýaly Adam Ýeýtes 2–3-nji orunlary eýelediler. Pogaçar 25 ýaşyndaky Wingegordan 7 minut 29 sekunt, Ýeýtes 10 minut 56 sekunt az netije görkezdi. Adam Ýeýtesiň ekiztaýy Saýmon Ýeýtes (“Team Jayco–AlUla”) 4-nji orna mynasyp boldy.
Utuk toplamakda Alpecin–Deceuninck” toparynyň belgiýaly türgeni Ýesper Filipsen, dag ýaryşynda-da “Lidl-Trek” toparynyň italýan welosportçysy Julio Çikkone ýeňiş gazanmagy başardy.
