Çilili ýyldyz oýunçy Aleksis Sançes 1 ýyldan soň ýene-de ozalky kluby Italiýanyň “Inter” toparyna gaýdyp geldi. Geçen möwsümiň Fransiýanyň “Marsel” toparynda oýnan 34 ýaşyndaky hüjümçi bu klubda 44 oýunda 18 gol geçirdi. Sançes “Inter” topary bilen 1 ýyllyk şertnama baglaşdy. Ol 2019-2022-nji ýyllar aralygynda “Interde” 3 möwsüm çykyş edip, 109 duşuşykda 20 gezek tapawutlanypdy. Karýerasy boýunça ýurdunyň “Kobreloa”, “Kolo-Kolo”, Argentinanyň “Riwer Pleýt”, Italiýanyň “Udineze”, Ispaniýanyň “Barselona”, Angliýanyň “Arsenal”, “Mançester Ýunaýted” klublarynyň köýnekçesini geýen Sançes şu wagta çenli klublarda 747 oýunda 216 gol geçirdi.
Sançes “Interde” 70-nji belgili köýnekçäni geýer.
