Italiýaly meşhur goragçy, 36 ýaşyndaky Leonardo Bonuççi karýerasyny “Bundesligada” dowam etdirer. Ýyldyz oýunçy erkin agent ýagdaýynda “Union Berlin” topary bilen 1+1 ýyllyk şertnama baglaşdy. Ol: – Ilkinji gezek daşary ýurt toparynda oýnamakçy bolýaryn. Bu meniň üçin özboluşly duýgy. “Unionda” ýokary derejeli oýnamak üçin elimden geleni gaýgyrmaryn. Klubuň 3 ýaryşda-da ýeňişler gazanmagyna goşant goşmak üçin jan aýaman oýnaryn – diýdi. Bonuççi 2010-njy ýyldan bäri Ýuwentusda oýnap gelýärdi. Ol 13 ýylyk döwürde diňe 1 möwsüm turinlileriň düzüminde oýnamady. 2017/18 möwsümini “Milanda” oýnan Bonuççi “Ýuwentusdan” öň “Inter”, “Bari”, “Pisa”, “Trewiso” ýaly klublaryň köýnekçelerini hem geýdi.
