Braziliýaly meşhur oýunçylardan Filippe Koutinio karýerasyny Katarda dowam eder. 31 ýaşyndaky ýarymgoragçy “Aston Willadan” Kataryň “Al-Duhail” toparyna transfer boldy. Ol katarlylar bilen 1 ýyllyk kärendesine şertnama baglaşdy. Ýewropanyň öňdebaryjy 4 çempionatynda çykyş eden Koutinio “Aston Willada” 43 oýunda 6 gol geçirdi. Karýerasy boýunça “Wasko da Gama”, “Inter”, “Espanýol”, “Liwerpul”, “Barselona”, “Bawariýa” ýaly klublarda oýnan Koutinio 494 duşuşykda 112 gezek tapawutlandy. Ol 2018-nji ýylda “Barselona” tarapyndan 145 million ýewro transfer edilipdi. Bu görkeziji futbolyň taryhyndaky iň ýokary 3-nji transfer tölegidir.
