Euro 2024-iň saýlama tapgyrynyň çäginde “G” toparçada Serbiýanyň ýygyndysy myhmançylykda Litwany 3-1 hasabynda ýeňlişe sezewar etdi. Duşuşykda serblere ýeňiş getiren gollaryň 3-sini hem 1-nji ýarymda, 21-nji, 32-nji hem-de 43-nji minutlarda Aleksandar Mitrowiç geçirdi. Şeýlelikde, Mitrowiç soňky 3 duşuşygynda 2-nji gezek het-trik etdi. Serbiýaly ýyldyz hüjümçi 1-nji sentýabrda oýnalan “Al-Ittihad” – “Al Hilal” duşuşygynda 3 gol geçiripdi. Şol oýunda “Al Hilal” 4-3 hasabynda ýeňiş gazanypdy.
