Italiýanyň çempionaty “Serie A”-da 4-nji tapgyryň çäginde paýtagty “Roma” topary uly hasaply ýeňiş gazanyp, ahmyrdan çykdy. Ilkinji 3 tapgyrda 1 utuk gazanan Mourinionyň şägirtleriniň “Empoli” toparyna nebsi agyrmady. Rimliler duşuşykda 7-0 hasabynda üstün çykyp, ilkinji 3 oýunda ýitirilen utuklary ýatdan çykartdy. “Roma” ýeňiş getiren gollary Dibala (2 p, 55), Renato Sanşeş (8), Grassi (35 ö.d.), Kristante (80), Lukaku (82) hem-de Mançini (86) geçirdi. Duşuşykda rimlileriň täze transferi Serdar Azmun 83-nji minutda Lukakunyň ornuna meýdança girdi.
“Serie A”-da “Ýuwentus” “Lasiony” 3-1, Milan şäheriniň derbisinde “Inter” “Milany” 5-1, çekeleşikli geçen oýunda “Fiorentina” öz meýdançasynda “Atalantany” 3-2 hasabynda ýeňlişe sezewar etdi.
