Iňlis ýazyjysy Meri Şelleýiň 1817-nji ýylda çapdan çykan meşhur eseri “Frankenşteýn” esasynda häzirki güne çenli onlarça film surata düşürildi. Şolaryň hataryna ýene biri goşulýar. Oskar gazanan 3 meksikaly režissýoryň biri bolan Gillermo Del Toro täze taslamalar öndürmegini dowam edýär. Ussat režissýoryň indiki ekran eseri dünýä belli “Frankenşteýn” kinosy bolar. “Netflix”-iň önümi boljak ekran eserinde bolsa Hollywood-yň meşhur artistleriniň ençemesi surata düşer. Andrýuw Garfild, Mia Got, Oskar Aýzaak dagyny hataryna oskarly aktýor Kristof Walts goşuldy. Filmiň surata düşüriliş işlerine geljek ýylyň fewralynda badalga berler. Ekran eseriniň 2025-nji ýylda ekranlara çykmagyna garaşylýar.
