Güýz pas­ly gy­zyl, sa­ry we mä­mi­şi ýap­rak­la­ryň öwüş­gi­ni bi­len ja­dy­ly dün­ýä­ni eme­le ge­tir­ýär. Güýz ag­ras­ly­gyň, pi­kir­le­riň dur­lan­ýan pas­ly bo­lup, sa­ry do­na bü­re­nen te­bi­ga­tda ge­ze­lenç et­mek, ýap­rak dü­şe­len ýo­da­lar­da ýö­räp, daş-tö­we­re­giň gö­zel­li­gi­ni syn­la­mak her bir ada­myň kal­byn­da aja­ýyp duý­gu­la­ry dö­red­ýär. Ho­wa­nyň sal­kyn­la­ýan bu möw­sü­mi sy­ýa­hat et­mek üçin amat­ly­dyr. Ga­ze­ti­mi­ziň şu sa­nyn­da güýz pas­lyn­da aja­ýyp gör­nü­şe eýe bol­ýan owa­dan şä­her­ler bi­len ta­nyş­dyr­ma­gy ma­kul bil­dik.

Pa­riž, Fran­si­ýa. Güýz pas­ly ro­man­tik­le­riň şä­he­ri­ne ba­ryp gör­me­giň iň amat­ly wag­ty­dyr. Her möw­süm öz­bo­luş­ly gör­nü­şe eýe bol­ýan Pa­riž güýz pas­lyn­da sa­ry we go­ňur se­ýil­gäh­le­ri bi­len sy­ýa­hat­çy­lar­da ýa­kym­ly duý­gu­la­ry dö­red­ýär. Şä­her­de ko­fe­niň hoş­boý ysy bi­len ut­gaş­ýan te­bi­gy gö­zel­lik­le­ri syn­lap, Notr-Dam we Eý­fe­liň ja­dy­sy­ny du­ýup bol­ýar. Al­tyn­sow ýap­rak­lar bi­len dü­şe­len Se­na der­ýa­sy­nyň bo­ýun­da ge­ze­lenç et­mek hem şä­he­riň güýz peý­za­žyn­dan lez­zet al­ma­ga müm­kin­çi­lik ber­ýär.
Tä­ze Or­le­an, ABŞ. Ame­ri­ka­nyň «ku­li­nar paý­tag­ty» hök­mün­de ta­nal­ýan Tä­ze Or­le­an güýz fes­ti­wal­la­ry, jaz aý­dym-saz şü­we­leň­le­ri, meş­hur ta­gam­la­ry bi­len sy­ýa­hat­çy­la­ryň ün­sü­ni özü­ne çek­ýär. Güýz aý­la­ryn­da bu şä­he­re sy­ýa­hat et­mek bi­len gy­zyk­ly güý­men­je­le­riň bi­ri bo­lan «Hal­lo­we­en» baý­ram­çy­ly­gy­na gat­na­şyp bol­ýar. Tä­ze Or­le­an güýz­de dynç al­mak üçin güýz­ki fes­ti­wal­la­ra we güý­men­je­le­re baý şä­her­le­riň bi­ri­dir.
On­ta­rio, Ka­na­da. Güýz pas­lyn­da özü­ne çe­ki­ji şä­her­le­riň bi­ri-de On­ta­rio bo­lup, To­ron­to­nyň go­la­ýyn­da­ky şä­her­de Hok­li jül­ge­si­ne we Ka­le­don de­pe­le­ri­ne sy­ýa­hat edip bi­ler­si­ňiz. Bu­lar­dan baş­ga-da, Al­gon­kin we Kil­lar­ni se­ýil­gäh­le­ri güýz pas­lyn­da mä­mi­şi-sa­ry ly­ba­sa bü­re­nip, te­bi­ga­ty sö­ýü­ji­ler­de tä­sin duý­gu­la­ry dö­red­ýär.
Rim, Ita­li­ýa. Rim py­ýa­da ge­ze­lenç et­mek üçin Ýew­ro­pa­nyň iň go­wy şä­her­le­ri­niň bi­ri­dir. Ta­ry­hy ýa­dy­gär­lik­le­re baý şä­he­re güýz pas­lyn­da ba­ryp gör­mek bi­len te­bi­gy gö­zel­lik­le­ri, Pan­te­on ýa­dy­gär­lik­ler top­lu­my­ny syn­lap bol­ýar. Gi­je­si­ne owa­dan gör­nü­şe eýe bol­ýan «ba­ky şä­her­de» ital­ýan aş­ha­na­sy­nyň dür­li ta­gam­laryn­dan lez­zet alyp bol­ýar.
Tos­ka­na, Ita­li­ýa. Tus­kan to­kaý­la­ry bi­len meş­hur­lyk ga­za­nan Tos­ka­na şä­he­ri­ne güýz pas­lyn­da sy­ýa­hat edip, Wen­dem­mi­ýa dä­bi­ne (üzüm ha­sy­ly­ny ýygnamak baý­ram­çy­ly­gy) gat­na­şyp bol­ýar. Eke­ran­çy­lyk ba­bat­da ösen bu şä­her­de güýz pas­ly ýy­lyň iň esa­sy möw­sü­mi ha­sap­lan­ýar. Tos­ka­na şä­he­rin­de fer­ma­da­ky myh­man­ha­na jaý­ja­gaz­la­ryn­da ga­lyp, te­bi­gat­da asu­da dynç al­şy ge­çi­rip bol­ýar.

Gyzykly bolup bilerЕЩЕ ОТ АВТОРА