Ber­ka­rar döw­le­tiň tä­ze eý­ýa­my­nyň Gal­ky­ny­şy döw­rün­de hal­ky­my­zyň baý me­de­ni mi­ra­sy­ny, şol san­da at­çy­lyk sun­ga­ty bi­len bag­ly bo­lan ga­dy­my däp-des­sur­la­ry­ny di­kelt­mek­de, türk­men be­dew­le­ri­niň şöh­ra­ty­ny art­dyr­mak­da giň ge­rim­li çä­re­ler dur­mu­şa ge­çi­ril­ýär. Şo­nuň bi­len bir­lik­de, ola­ryň to­hum­çy­ly­gy­ny go­wu­lan­dyr­mak, aras­sa gan­ly­ly­gy­ny sak­la­mak, ýyn­dam­ly­gy­ny, gö­zel­li­gi­ni art­dyr­mak ug­run­da uly iş­ler dur­mu­şa ge­çi­ril­ýär. Ga­myş­gu­lak be­dew­le­ri­miz hal­ky­my­zyň gym­mat­ly ha­zy­na­sy­dyr. «At­dyr ýi­gi­diň ga­na­ty», «At ýa­ryş­da, är sö­weş­de», «At – ýi­gi­diň ýol­da­şy», «Ir­den tur-da ata­ňy gör, ataň­dan soň – aty­ňy» di­ýil­ýän na­kyl­lar­dyr pä­him­li söz­ler hem hal­ky­my­zyň ga­dy­my dö­wür­ler­den bä­ri be­de­we goý­ýan uly hor­mat-sar­pa­sy­nyň ny­şa­ny bo­lup dur­ýar.
Wa­ta­ny­my­zyň ok­gun­ly ös­ýän döw­rün­de hal­ky­my­zyň mil­li buý­san­jy bo­lan ahal­te­ke be­dew­le­ri­niň dün­ýä­dä­ki şan-şöh­ra­ty­nyň be­len­de gö­te­ril­ýän­di­gi­ne şa­ýat bol­mak diý­seň ýa­kym­ly. Kö­pet­da­gyň dag ete­gi­niň gö­zel ýer­le­ri­niň bi­rin­de döw­re­bap at­ha­na top­lu­my peý­da bol­dy.

Ha­syl to­ýy gü­nün­de Kö­pet­da­gyň ete­gin­dä­ki gö­zel kün­jek­de bi­na edi­len 600 baş ahal­te­ke at­la­ry­ny sak­la­ma­ga ni­ýet­le­ni­len tä­ze, döw­re­bap at­ha­na­nyň açy­lyp ulan­ma­ga be­ril­me­gi baý­ram­çy­lyk joş­gu­ny­na joş­gun goş­dy. «Türk­men at­la­ry» döw­let bir­le­şi­gi­niň bu­ýur­ma­sy esa­syn­da gur­lan döw­re­bap at­ha­na Gah­ry­man Ar­ka­da­gy­my­zyň ahal­te­ke be­dew­le­ri­niň dün­ýä­dä­ki şan-şöh­ra­ty­ny be­len­de gö­ter­mek, ola­ryň baş sa­ny­ny kö­pelt­mek bo­ýun­ça ba­şy­ny baş­lan iş­le­ri­niň Ar­ka­dag­ly Gah­ry­man Ser­da­ry­myz ta­ra­pyn­dan üs­tün­lik­li dur­mu­şa ge­çi­ril­ýän­di­gi­niň no­bat­da­ky su­but­na­ma­sy­na öw­rül­di.
15,4 gek­tar meý­da­ny eýe­le­ýän at­ha­na­nyň dü­zü­min­de ze­rur en­jam­lar we öň­de­ba­ry­jy teh­no­lo­gi­ýa­lar bi­len üp­jün edi­len bi­na­lar­dyr des­ga­la­ryň bir­nä­çe­si bar. Ola­ryň ara­syn­da do­lan­dy­ryş, we­te­ri­na­ri­ýa bi­na­la­ry, hö­wür at­la­ryň, de­giş­li­lik­de, 40-sy we 60-sy üçin ni­ýet­le­nen at­ha­na­lar, ene baý­tal­lar üçin her bi­ri 88 at­lyk at­ha­na­la­ryň bä­şi­si, iým üçin ýa­pyk am­mar we beý­le­ki des­ga­lar bar. Des­ga­lar­da öň­de­ba­ry­jy in­že­ner­çi­lik-teh­ni­ki çöz­güt­ler hem-de mil­li bi­na­gär­li­giň ýö­rel­ge­le­ri öz be­ýa­ny­ny ta­pyp­dyr.
Ýur­du­myz­da at­şy­nas­la­ra uly sar­pa go­ýul­ýar, olar eş­ret­li dur­mu­şyň hö­zi­ri­ni gö­rüp ýa­şa­ýar­lar, döw­re­bap şert­ler­de zäh­met çek­ýär­ler. Üs­tü­miz­dä­ki şan­ly ýyl­da Aba An­na­ýew adyn­da­ky Hal­ka­ra at­çy­lyk aka­de­mi­ýa­sy­nyň, At­çy­lyk yl­my-önüm­çi­lik mer­kez­le­ri­niň açy­lyş da­ba­ra­la­ry ge­çi­ril­di.
Şeý­le hem Ar­ka­dag­ly Ser­da­ry­my­zyň gat­naş­ma­gyn­da şu ýyl ge­çi­ri­len Türk­men be­de­wi­niň mil­li baý­ra­my­nyň çäk­le­rin­de Ak bug­daý et­ra­by­nyň çä­gin­de har­by we hu­kuk go­raý­jy eda­ra­la­ryň at­çy­lyk top­lu­my da­ba­ra­ly ýag­daý­da açy­lyp ulan­ma­ga be­ril­di.
Gah­ry­man Ar­ka­da­gy­my­zyň, hormatly Prezidentimiziň giň möç­ber­li ta­gal­la­la­ry­nyň ne­ti­je­sin­de ata Wa­ta­ny­myz­da be­dew­le­ri­miz ba­bat­da uly iş­ler ama­la aşy­ryl­dy. Şon­da ta­ryh­da he­mi­şe­lik yz gal­dy­ran Ýa­nar­dag, Po­lat­ly, Ak­han ýa­ly be­dew­le­riň at­la­ry ebe­di­leş­di­ril­di, ýur­du­my­zyň paý­tag­tyn­da we we­la­ýat­lar­da at­çy­lyk sport top­lum­la­ry gur­lup, ula­nyl­ma­ga be­ril­di. Mun­dan baş­ga-da, tej­ri­be­li at­şy­nas­la­ra hor­mat­ly at­lar da­ky­lyp, se­ýis­le­riň, ça­pyk­su­war­la­ryň ara­syn­da ha­ly­pa-şä­girt­lik ýö­rel­ge­le­ri­ne giň ýol­lar açyl­dy.
Ahal­te­ke be­dew­le­ri­mi­ziň şan-şöh­ra­ty­ny ös­dür­mek­de, be­hiş­di be­dew­le­ri­mi­ziň hal­ka­ra de­re­je­sin­dä­ki ab­ra­ýy­ny has-da art­dyr­mak­da hem-de at­çy­lyk pu­da­gy üçin ýo­ka­ry bi­lim­li hü­när­men­le­ri taý­ýar­la­mak­da nus­ga­lyk iş­le­ri dur­mu­şa ge­çir­ýän Gahryman Arkadagymyzyň, Arkadagly Gahryman Serdarymyzyň ja­nlary sag, ömürleri uzak, be­lent başlary aman bol­sun, tu­tum­ly iş­le­ri he­mi­şe ro­waç­lyk­la­ra bes­len­sin!

Mer­dan RO­ZY­MU­RA­DOW,
Türk­men döw­let bi­na­gär­lik-gur­lu­şyk ins­ti­tu­ty­nyň ta­ly­by.

Gyzykly bolup bilerЕЩЕ ОТ АВТОРА