Saud Arabystanynyň çempionaty “Saudi Pro Ligada” 14-nji tapgyrda “Al Nassr” topary öz meýdançasynda “Al Ahdud” toparyndan 3-0 hasabynda üstün çykdy. Duşuşykda paýtagtlylara ýeňiş getiren gollary Al-Naji (13) bilen Kristiano Ronaldo (77, 80) geçirdi. Bu ýeňişden soň utugyny 34-e çykaran “Al Nassr” topary 2-nji basgançaga beýgeldi.
“Al-Ittifak” bilen “Al Ittihadyň” arasyndaky oýunda-da ýeňiş gazanan bolmady. 41-nji minutda Weýnaldumyň goly bilen öňe geçen “Al-Ittifak” toparynyň derwezesinden hasaby deňlän goly 54-nji minutda Amdallah geçirdi.
35 utuk bilen sanawyň başyny çekýän “Al Hilal” topary şu gün agşam myhmançylykda “Al Hazem” bilen duşuşar (20:00).
