Şu gün hor­mat­ly Pre­zi­den­ti­miz Ser­dar Berdimuhamedow iki gün­lük iş sa­pa­ry bi­len Bir­le­şen Arap Emir­lik­le­ri­ne gel­di. Sa­pa­ryň mak­sa­dy 30-njy no­ýabr — 12-nji de­kabr ara­ly­gyn­da Du­baý­da ge­çi­ril­ýän BMG-niň Ho­wa­nyň üýt­ge­me­gi ba­ra­da­ky Çar­çu­wa­ly kon­wen­si­ýa­sy­na gat­na­şy­jy ta­rap­la­ryň 28-nji mas­la­ha­ty­na (COP-28) gat­naş­mak­dan yba­rat­dyr.
Ir­den döw­let Baş­tu­ta­ny­my­zyň uça­ry Du­baý şä­he­ri­niň Şeýh Mak­tum adyn­da­ky Hal­ka­ra ho­wa men­zi­li­ne ge­lip gon­dy. Bu ýer­de hor­mat­ly Pre­zi­den­ti­mi­zi res­mi adam­lar gar­şy­la­dy­lar.
Sa­pa­ryň mak­sat­na­ma­sy­na la­ýyk­lyk­da, hor­mat­ly Pre­zi­den­ti­miz Ser­dar Berdimuhamedowyň Bü­tin­dün­ýä ho­wa sam­mi­ti­niň ple­nar mej­li­si­ne gat­naş­ma­gy we çy­kyş et­me­gi göz öňün­de tu­tul­ýar. Şeý­le-de döw­let Baş­tu­ta­ny­myz «COP-28» mas­la­ha­ty­nyň çä­gin­de gu­ral­jak beý­le­ki çä­re­le­re gat­na­şar we iki­ta­rap­la­ýyn du­şu­şyk­la­ry ge­çi­rer.
Ýe­ri ge­len­de bel­le­sek, 30-njy no­ýabr­da Du­baý­da ba­dal­ga alan BMG-niň Ho­wa­nyň üýt­ge­me­gi ba­ra­da­ky Çar­çu­wa­ly kon­wen­si­ýa­sy­na gat­na­şy­jy ta­rap­la­ryň 28-nji mas­la­ha­ty­na dün­ýä­niň 140-dan gow­rak ýur­dun­dan döw­let we hö­kü­met Baş­tu­tan­la­ry, şeý­le-de 70 müň­den gow­rak we­kil gat­naş­ýar. Şo­la­ryň ha­ta­ryn­da hö­kü­me­te de­giş­li bol­ma­dyk gu­ra­ma­la­ryň, iri işe­wür­lik dü­züm­le­ri­niň we­kil­le­ri, bi­ler­men­ler­dir žur­na­list­ler hem bar. Şu gün we er­tir döw­let­le­riň Li­der­le­ri­niň gat­naş­ma­gyn­da «COP-28» mas­la­ha­ty­nyň ýo­ka­ry de­re­je­li mej­lis­le­ri­ni ge­çir­mek göz öňün­de tu­tul­ýar.

Gyzykly bolup bilerЕЩЕ ОТ АВТОРА