Iňlis diliniň iň abraýly sözlügini neşir edýän Oksford uniwersitetiniň neşirýaty 2023-nji ýylyň sözi hökmünde “rizz” ýagny “özüne çekiji” diýen sözi saýlady.
Neşirýat geçen ýylyň hal-howasyny görkezýän sekiz sözüň sanawyny düzendigini we olara ses bermäge çagyrandygyny aýtdy. Ses berişligiň dowamynda sözler dörde çenli azaldy, ýeňiji sözi bolsa, dil hünärmenleri saýladylar. Etimologik taýdan “rizz”, “harizma” sözüniň gysgaldylan görnüşi hasaplanýar. Harizma şahsyýetiň intellektual we ruhy taýdan ýa-da başga bir görnüşde beýleki adamlaryň “ýüregine” täsir etmek ukybydyr.
