Bel­gi­ýa – 3 dil­li ýur­da sy­ýa­hat

Ýew­ro­pa­da sy­ýa­hat­çy­lyk pu­da­gyn­da öň­dä­ki orun­la­ry eýe­le­ýän ýurt­la­ryň bi­ri hem Bel­gi­ýa­dyr. Ýew­ro­pa­nyň de­mir­ga­zyk-gün­ba­ta­ryn­da ýer­leş­ýän bu ýurt de­mir­ga­zyk­da Ni­der­land­lar, gün­do­gar­da Ger­ma­ni­ýa, gü­nor­ta-gün­do­gar­da Lýuk­sem­burg, gü­nor­ta-gün­ba­tar­da Fran­si­ýa bi­len ser­het­leş­ýär. Ýurduň de­mir­ga­zyk-gün­ba­taryny bolsa De­mir­ga­zyk deň­zi ýuwýar. Meý­da­ny 30 müň 689 ine­dör­dül ki­lo­met­re ba­ra­bar bolan ýurt­da 11,5 mil­li­on­dan gow­rak ilat ýa­şa­ýar. Ga­ze­ti­mi­ziň şu sa­nyn­da bir­nä­çe ta­ry­hy ýa­dy­gär­lik­le­ri özün­de jem­le­ýän, aý­dym-saz fes­ti­wal­la­ry­nyň ýur­dy ha­sap­lan­ýan Bel­gi­ýa ba­ra­da­ky gy­zyk­ly mag­lu­mat­la­ry si­ze ýe­tir­me­gi ma­kul bil­dik.

Bel­gi­ýa­da 3 dil­de gep­le­şil­ýär. Bel­gi­ýa­ly ýa­şaý­jy­lar ni­der­land, fran­suz we ne­mes dil­le­rin­de gep­leş­ýär­ler. Ýur­duň gün­ba­tar bö­le­gi ni­der­land, gün­do­gar bö­le­gi fran­suz, Ger­ma­ni­ýa bi­len ser­het­leş­ýän bö­le­gi ne­mes di­lin­de dü­şü­niş­ýär. Paý­tag­t şäher Brýus­se­liň ýurduň çat­rygynda ýer­leş­ýän­di­gi se­bäp­li, şä­her­de 3 dil hem ula­nyl­ýar. Res­mi taý­dan 3 dil­li ýur­da gel­ýän sy­ýa­hat­çy­lar­da ýa­şaý­jy­lar bi­len dü­şü­niş­mek kyn­çy­ly­gy ýü­ze çyk­ma­ýar. Ýur­duň se­bit mek­dep­le­rin­de res­mi dil­ler hem çuň­laş­dy­ry­lyp öw­re­di­lýär. Şeýlelikde, ça­ga­lar 14 ýa­şy­na çen­li 3 dil­de hem su­wa­ra gep­läp bil­ýär­ler.
Uzyn boýly er­kek­le­riň ýurdy. Dün­ýä­dä­ki iň uzyn boý­ly er­kek­le­riň Ni­der­land­lar­da ýa­şa­ýan­dy­gy ba­ra­da bil­ýän bol­sa­ňyz ge­rek. Bu ugur­da 2-nji orun Bel­gi­ýa de­giş­li. De­ňeş­dir­mek üçin, ni­der­land er­kek­le­ri­niň or­ta­ça bo­ýy 182,5 san­ti­metr, be­lgi­ýa­ly er­kek­le­riň or­ta­ça bo­ýy 181,7 san­ti­metr.
Iň go­wy aý­dym-saz fes­ti­wal­la­ry­nyň mekany. «Rock Werchter», «Techno», «Bo­om­bal», «Do­ur» fes­ti­wal­la­ry Bel­gi­ýa­nyň meş­hur aý­dym-saz şü­we­le­ňi­dir. Aý­dym-saz fes­ti­wal­la­ryna dün­ýä­niň dür­li ýurt­la­ryn­dan ýaş­lar gat­naş­ýar. Bu fes­ti­wal­lar­dan baş­ga-da, ýurt­da gül­le­re ba­gyş­la­nan Çi­gil­dem fes­ti­wa­ly hem ge­çi­ril­ýär. Bel­gi­ýa­da her ýyl gu­ral­ýan göç­me Tä­ze ýyl ba­zar­la­ry Ýew­ro­pa­nyň iň go­wy baý­ram­çy­lyk ba­zar­la­ry ha­sap­lan­ýar.
Bel­gi­ýa­da şä­her at­la­ry is­len­dik wagt­da üýt­gäp bi­ler. Mu­nuň se­bä­bi ýurt­da
3 dür­li se­bi­tiň bar­dygy bi­len bag­la­ny­şyk­ly­dyr. Wal­lo­ni­ýa, fla­man we ger­man se­bit­le­ri şä­her­le­ri öz di­lin­de aýd­ýar­lar. My­sal üçin, Brýus­sel şä­he­ri­ni Brug­ge (ni­der­land), Brüg­ge (ne­mes) we Bru­ges (fran­suz) gör­nü­şin­de at­lan­dyr­ýar­lar.
Bel­gi­ýa ÝU­NES­KO-nyň go­ra­gyn­da. Bel­gi­ýa­da ÝU­NES­KO-nyň ha­sa­ba alan 17 mi­ra­sy bar. Olardan iň meş­hu­ry Brýu­ges şä­he­ri­dir. Şä­her tu­tuş­ly­gy­na di­ýen ýa­ly ÝU­NES­KO-nyň go­ra­gyn­da. Bu şä­her­de jaý edin­mek is­le­ýän adam­la­ra berk dü­şün­di­riş iş­le­ri ge­çi­ril­ýär. Ýag­ny şä­he­riň gur­lu­şy­gy­ny üýt­get­mek, baş­ga bir zat­lar gur­mak, hat­da şä­he­riň di­war­la­ry­na ýe­ke­je çüý kak­mak hem bol­ma­ýar. Brýu­ges­de ula­nyl­ýan düz­gün­ler Bel­gi­ýa­nyň beý­le­ki şä­her­lerinde duş gel­me­ýär.
Waf­li, kar­toş­ka we şo­ko­lad meş­hur iý­mit­ler. Bel­gi­ýa Şweý­sa­ri­ýa we Ger­ma­ni­ýa­ ýaly şo­ko­lad­la­ryň ýur­dy ha­sap­lan­ýar. Ýurt­da şo­ko­la­dyň dür­li gör­nü­şi­ni, şo­ko­lad­ly ta­gam­la­ry dadyp gör­mek bol­ýar. Waf­li­ni ha­la­ýan­lar üçin Bel­gi­ýa­da şer­bet go­şu­lyp, ýu­ka­jyk ha­myr­dan waf­li­niň dür­li gör­nüş­le­ri taý­ýar­la­nyl­ýar. Kar­toş­ka ba­ra­da aý­dy­lan­da, esa­san hem, ýur­duň Fran­si­ýa bi­len ser­het­leş­ýän se­bi­tin­de 10 dür­li kar­toş­ka ös­dü­ri­lip ýe­tiş­di­ril­ýär. Kar­toş­ka go­wur­ma­sy ýur­duň meş­hur ta­gam­la­ry­nyň bi­ri­dir.
Welosiped ulan­mak ýör­gün­li. Bel­gi­ýa­da jem­gy­ýet­çi­lik ulag­la­ry ga­ty ýy­gy bolup, ýur­duň Ant­werp se­bi­tin­de 68 ki­lo­metr­lik tram­waý li­ni­ýa­sy bar. Tram­waý­dan düş­män ýur­dy 5 ýew­ro bi­len sy­ýa­hat edip bol­ýar. Bel­gi­ýa­nyň ýer gur­lu­şynyň be­ýik­li-pes­li bo­lan­dy­gy se­bäp­li, welosiped ulan­mak has amat­ly. Te­bi­gy we yk­dy­sa­dy taý­dan amat­ly bo­lan we­lo­si­ped­ler goň­şy ýurt­dan (Niderlandlar) ge­ti­ril­ýär.