Angliýanyň Liga Kubogy (EFL Cup) ýaryşynda ýarym finala çykan toparlaryň ählisi belli boldy. Çärýek finalyň soňky oýnunda – “Liwerpul” bilen “West Ham” toparlarynyň arasyndaky duşuşykda janköýerler 6 goluň şaýady boldular. Ýer eýeleriniň doly artykmaçlygynda geçen oýunda “Liwerpul” 5-1 hasabynda ýeňşini baýram etdi. “Liwerpulyň” gollaryny Soboslai (28), Kurtis Jons (56, 84), Gakpo (71) hem-de Salah (82) öz atlaryna ýazdyrdylar. “West Hamyň” ýeke-täk pökgüsini bolsa 77-nji minutda Bowen derwezä girizdi.
Şunlukda, ýarym finalda “Middlsbro” bilen “Çelsi”, “Liwerpul” bilenem “Fulham” toparlary duşuşarlar. 2 oýundan ybarat bolan ýarym finalyň 1-nji duşuşyklary 9-10-njy, 2-nji duşuşyklary-da 23-24-nji ýanwarda geçiriler.
