Russiýanyň Prezidenti Wladimir Putin 26-njy dekabrda Garaşsyz Döwletleriň Arkalaşygyna (GDA) agza ýurtlaryň arasyndaky özara hasaplaşyklarda milli walýutalaryň ulanylmagyna işjeň geçiş guramanyň agza ýurtlarynyň ykdysady we maliýe garaşsyzlygyny üpjün eder diýdi.
GDA ýurtlarynyň ýolbaşçylarynyň Sankt-Peterburgda guralan resmi däl ýygnagynda W. Putin bu ugurdaky işleriň 2024-nji ýylda GDA-nyň başlyklygyny öz üstüne alýan Russiýa tarapyndan hem geçiriljekdigini belledi.
W.Putiniň pikiriçe, geçen ýylda GDA agza ýurtlaryň arasyndaky söwda dolanyşygy durnukly ösüşi görkezdi. Şu ýylyň ilkinji 10 aýynda 2 göterim ýokarlanyp, 83,7 milliard dollara ýetdi.
Duşuşyga Russiýanyň, Azerbaýjanyň, Ermenistanyň, Belarusyň, Gazagystanyň, Gyrgyzystanyň, Täjigistanyň, Türkmenistanyň we Özbegistanyň liderleri gatnaşdy.

Gyzykly bolup bilerЕЩЕ ОТ АВТОРА