Azerbaýjanyň Prezidenti Ilham Aliýew 2024-nji ýyly ýurtda “Ýaşyl dünýäniň hatyrasyna raýdaşlyk ýyly” diýlip yglan etmek barada Karara gol çekdi. Karar howanyň üýtgemegine garşy göreşi güýçlendirmek maksady bilen kabul edildi. Resminama laýyklykda, Prezidentiň administrasiýasy bir aýyň dowamynda çäreleriň meýilnamasy barada teklipleri taýýarlamaly bolar.
Kararda howanyň üýtgemeginiň netijelerine garşy göreşde Azerbaýjanyň öz goşandyny goşýandygy nygtalýar. Häkimiýetler daşky gurşawy gowulandyrmak, bagy-bossanlyga öwürmek, suwy tygşytly peýdalanmak boýunça uly işleri alyp barýarlar.
