Angliýanyň “Premier Ligasynda” 20-nji tapgyryň çäginde Londonda oýnalan 2 duşuşykda ýer eýeleri ýeňiş gazandy.
London derbisinde “Arsenal” myhmançylykda “Fulham” bilen duşuşdy. Oýnuň 5-nji minutynda Sakanyň goly bilen öňe saýlanan “Arsenal” bu üstünligini saklap bilmedi. 29-njy minutda Himenez hasaby deňlese, 59-njy minutda Reid “Fulhama” ýeňiş getiren goly geçirdi. “Arsenalyň” futbolçylaryna galan minutlarda hasaby deňlemek ýa-da öne geçmek başartmady.
Şunlukda, “Arsenal” bassyr 2-nji duşuşykda utulyp, olar 3 oýundan bäri ýeňiş gazanyp bilenok. “Arsenal” 2012-nji ýyldan bäri ilkinji gezek “Fulhamdan” asgyn geldi.
“Tottenham” öz meýdançasynda soňky tapgyrlarda şowly çykyş edýän “Bornmut” toparyny 3-1 hasabynda ýeňlişe sezewar etdi. Çekeleşikli geçen oýunda ýer eýeleriniň gollaryny Pape Sarr (9), Son (71) hem-de Rişarlison (80) geçirdi.
“Premier Ligada” 20-nji tapgyryň ýene-de 2 duşuşygy 1-2-nji ýanwarda oýnalar.
