“Lotos” gämigurluşyk zawodynda gurluşygy tamamlaýjy tapgyrda alnyp barylýan “Wladimir Žirinowskiý” atly ýolagçy gämisi Hazar deňzinde syýahat etjek ugurlaryny giňeltdi. Gäminiň diňe bir Türkmenistanyň, Azerbaýjanyň, Gazagystanyň, Eýranyň deňiz portlaryna däl, eýsem Türkiýäniň kenarlaryna hem syýahat etmegine garaşylýar. Mälim edilşine görä, 310 ýolagça we 90 ekipaža niýetlenen gämi 4 deňizde 6 ýurda syýahat eder.
Şeýle-de gämi Soçiniň we Noworossiýskiniň portlaryna hem barar. Her biri iki orunlyk 155 sany amatly goşa kabinalary bolan gämi şu ýyl doly işe başlar.
Bu ýolagçy gämisi ozal “Pýotr Birinji” diýlip atlandyrylýardy. Geçen ýylyň dekabrynda bolsa, onuň adyny Russiýanyň Liberal-demokratik partiýasynyň ozalky başlygynyň adyny dakmak kararyna gelindi. Bu barada tca.gov.tm habar berýär.
