Russiýanyň Federal döwlet statistika gullugy (Rosstat) ýurtda “ekonomi” klasyna degişli awiapetekleriň bahasynyň geçen ýyl ortaça 22,2 göterim artandygyny mälim etdi. 2022-nji ýylda uçar petekleriniň bahasy 15,6 artypdyr. Şeýlelikde, soňky iki ýylda uçar petekleriniň bahasy 37 göterim gymmatlapdyr. Geçen ýylyň soňky aýynda ýurtda 1000 kilometrlik aralyk üçin uçar peteginiň bahasy 7 müň 600 rubl (86 dollar töweregi) bolupdyr.
RBK gazeti bu artyşyň 2008-nji ýyldan bäri hasaba alnan iň uly artyşdygyny malim etdi. 2008-nji ýylda uçar peteginiň bahasy 30,9 göterim artypdy. Ýurtda şondan bäri diňe 2020-nji ýylda – pandemiýanyň başlan ýyly uçar peteginiň bahasy arzanlapdyr.
