Angliýanyň “Premier Ligasynda” 22-nji tapgyrda “Nýukasl” myhmançylykda öňdäki orunlara ymtylýan “Aston Willa” topary bilen duşuşdy. Çekeleşikli geçen oýunda myhmanlar 3-1 hasabynda ýeňşini baýram etdi. “Nýukasl” toparyna ýeňiş getiren gollaryň 2-sini goragçy Fabian Şer, beýlekisini bolsa Moreno öz derwezesinden geçirdi. “Aston Willanyň” ýeke-täk goluny Wotkins öz adyna ýazdyrdy.
Şeýle-de, “Arsenal” myhmançylykda “Nottingam Forest” toparyny Žesus bilen Sakanyň gollary esasynda 2-1 ýeňdi.
“Luton Town” topary-da öz meýdançasynda “Braýtony” 4-0 hasabynda ýeňip, köpleri geň galdyrdy. Eýýäm 3-nji minutda 2 gol öňe saýlanan ýer eýeleriniň gollarynyň 3-sini Adebaýo, beýlekisini-de Ogbene geçirdi.
