Ber­ka­rar döw­le­tiň tä­ze eýýamynyň Galkynyşy döwründe Gahryman Arkadagymyz, Arkadagly Gahryman Serdarymyz ta­ra­pyn­dan döw­le­ti­mi­ziň bi­lim ul­ga­my­ny has-da kä­mil­leş­dir­mek we onuň ka­nun­çy­lyk bin­ýa­dy­ny döw­re­bap­laş­dyr­mak bo­ýun­ça giň göw­rüm­li iş­ler dur­mu­şa ge­çi­ril­ýär. Hormatly Prezidentimiziň döw­let baş­tu­tan­ly­gyn­da mil­li bi­lim ul­ga­my dün­ýä de­re­je­sin­de ös­dü­ril­ýär, ýaş­la­ryň ylym-dö­re­di­ji­lik bi­len meş­gul­lan­mak­la­ry hem-de hal­ka­ra bi­lim gi­ňiş­li­gin­de ýur­du­my­za my­na­syp we­kil­çi­lik et­mek­le­ri üçin giň müm­kin­çi­lik­ler dö­re­dil­ýär.
«Türk­me­nis­ta­nyň ýaş­la­ry­nyň hal­ka­ra hyz­mat­daş­ly­gy­nyň 2023-2030-njy ýyl­lar üçin stra­te­gi­ýa­syn­da», şeý­le hem bi­lim ul­ga­my bo­ýun­ça ka­bul edi­len kon­sep­si­ýa­lar­da kes­git­le­nen we­zi­pe­le­ri dur­mu­şa ge­çir­mek mak­sa­dy bi­len, «Pä­him-paý­has um­ma­ny Mag­tym­gu­ly Py­ra­gy» ýy­lyn­da ýur­du­my­zyň ýo­ka­ry okuw mek­dep­le­rin­de hal­ka­ra olim­pia­da­la­ry­nyň bir­nä­çe­si­ni ge­çir­mek me­ýil­leş­di­ril­ýär.
Şu ýy­lyň 3-8-nji mar­tyn­da Hal­ka­ra yn­san­per­wer ylym­la­ry we ösüş uni­wer­si­te­tin­de ta­lyp­la­ryň ara­syn­da IV Açyk hal­ka­ra ma­te­ma­ti­ka olim­pia­da­sy­ny, 15-20-nji ap­rel­de Ýag­şy­gel­di Ka­ka­ýew adyn­da­ky Hal­ka­ra ne­bit we gaz uni­wer­si­te­tin­de ta­lyp­la­ryň ara­syn­da II Açyk hal­ka­ra in­for­ma­ti­ka olim­pia­da­sy­ny hem-de 19-njy ap­rel­de bu ýo­ka­ry okuw mek­de­bin­de in­for­ma­ti­ka der­si bo­ýun­ça me­ýil­leş­di­ril­ýän bäs­le­şi­giň çäk­le­rin­de «Ber­ka­rar döw­le­tiň tä­ze eý­ýa­my­nyň Gal­ky­ny­şy döw­rün­de ta­lyp ýaş­la­ryň yl­my ga­ra­ýyş­la­ry» at­ly hal­ka­ra yl­my-ama­ly mas­la­ha­ty we ser­gi­ni ge­çir­mek göz öňün­de tu­tul­ýar.
2023-nji ýyl hem ylym-bi­lim ul­ga­myn­da üs­tün­lik­li ýyl­la­ryň bi­ri bol­dy. Ge­çen ýy­lyň do­wa­myn­da türk­men ta­lyp­la­ry we mek­dep okuw­çy­la­ry hal­ka­ra bäs­le­şik­le­re, in­ter­net olim­pia­da­la­ry­na iş­jeň gat­na­şyp, dür­li de­re­je­dä­ki me­dal­la­ra my­na­syp bol­du­lar. 2023-nji ýyl­da türk­men ta­lyp­la­ry hal­ka­ra de­re­je­de ge­çi­ri­len ders bäs­le­şik­le­rin­de 265 me­dal, şol san­da 58 al­tyn, 94 kü­müş, 113 bü­rünç me­dal, to­par­la­ýyn ha­sap­da bol­sa 4 al­tyn, 11 kü­müş, 15 bü­rünç – je­mi 30 me­dal ga­za­nyp, bir­nä­çe dip­lom­la­ra my­na­syp bol­du­lar.
Mek­dep okuw­çy­la­ry hal­ka­ra ders bäs­le­şik­le­rin­de 10 al­tyn, 15 kü­müş, 58 bü­rünç me­dal, hal­ka­ra in­ter­net olim­pia­da­la­ryn­da 81 al­tyn, 152 kü­müş, 116 bü­rünç me­dal ga­zan­dy­lar, şeý­le hem hal­ka­ra in­ter­net olim­pia­da­la­ryn­da 14 müň 381 dip­lo­ma my­na­syp bol­du­lar.
Şeý­le ylym-bi­lim bäs­le­şik­le­ri­ne bi­ziň ýo­ka­ry okuw mek­de­bi­mi­ziň ýaş­la­ry­nyň hem iş­jeň gat­na­şyp, üs­tün­lik­li çy­kyş eden­di­gi­ni bel­le­mek ge­rek. Şeý­le-de, bi­ziň ýo­ka­ry okuw mek­de­bi­miz­de hem şeý­le hal­ka­ra bäs­le­şik­le­riň bir­nä­çe­si gu­ral­dy.
Ýur­du­myz­da ýaş ne­sil­le­riň döw­re­bap ylym-bi­lim alyp, kä­mil yn­san­lar bo­lup ýe­tiş­mek­le­ri ug­run­da taý­syz ta­gal­la­la­ry ed­ýän Mil­li Li­de­ri­mi­ziň hem-de hor­mat­ly Pre­zi­den­ti­mi­ziň ja­ny sag, öm­ri uzak, il-ýurt bäh­bit­li iş­le­ri ro­waç bol­sun.

Mu­hab­bet Döw­le­to­wa,
Döw­let­mäm­met Aza­dy adyn­da­ky Türk­men mil­li dün­ýä dil­le­ri ins­ti­tu­ty­nyň mu­gal­ly­my.

Gyzykly bolup bilerЕЩЕ ОТ АВТОРА