AFK Çempionlar Ligasy Elite ýaryşynda çempion belli boldy. Çärýekdir ýarym final oýunlarynyň hem-de final duşuşygynyň Saud Arabystanynyň Jidda şäherinde geçirilen ýaryşynda ýer eýesi “Al-Ahli” topary çempionlyk gazandy.

“Al-Ahli” topary finalda Ýaponiýanyň Kawasaki Frontal toparyndan 2-0 hasabynda üstün çykdy. “Al-Ahli” toparyna çempionlyk getiren gollary 1-nji ýarymda, has takygy, 35-nji minutda Galeno bilen 42-nji minutda Frank Kessi geçirdi. 2 goluň asistini-de braziliýaly hüjümçi Roberto Firmino etdi. Şunlukda, “Al-Ahli” topary taryhynda ilkinji gezek AFK-nyň klub ýaryşlaryndaky iň uly kubogy gazanmagy başardy. Jidda şäheriniň wekili mundan öň 1985/86 möwsüminde hem-de 2012-nji ýyllarda finalda ýeňlipdi. “Al-Ahli” şol 2 finalda-da koreý klublary – “Daewu Roýals” hem-de “Ulsan Hýundai” toparlaryndan asgyn gelipdi. “Al-Ahli” bu kubogy gazanan 25-nji klub boldy. Şol sanda Saud Arabystanynyň 3-nji topary hökmünde hasaba alyndy.

“Kawasaki Frontal” toparyna bolsa ilkinji gezekki finalynynda kubogy ýetmek başartmady.

Çempion toparyň braziliýaly ýyldyzy Roberto Firmino ýaryşyň iň ökde oýunçysy diýlip saýlandy.

Gyzykly bolup bilerЕЩЕ ОТ АВТОРА