Güýz pas­ly­nyň gel­me­gi bi­len ba­lyk iň köp iýil­ýän iý­mit­le­riň bi­ri­ne öw­rül­ýär. Sy­gyr, go­ýun we to­wuk etin­den ta­pa­wut­ly­lyk­da, ba­lyk çalt siň­ýän­di­gi hem-de ýo­kum­ly­ly­gy bi­len ta­pa­wut­lan­ýar. Ba­lyk­da A, B12, D, E we K wi­ta­min­le­ri, Ome­ga-3 ýag kis­lo­ta­sy, be­lok, se­len, ýod, kal­siý, fos­for ýa­ly mi­ne­ral­lar sak­lan­ýar. Bi­ler­men­ler hep­de­de iki ge­zek ba­lyk iý­me­giň sag­lyk üçin örän peý­da­ly­dy­gy­ny bel­le­ýär­ler.
Adam­zat ýa­şaý­şyn­da il­kin­ji iý­mit­le­riň bi­ri ha­sap­lan­ýan ba­lyk beý­ni­niň ösü­şin­den baş­lap, ýü­rek-da­mar ul­ga­my­na, süňk­le­re we de­rä oňaý­ly tä­si­ri­ni ýe­tir­ýär. Ba­lyk­da­ky A wi­ta­mi­ni im­mu­ni­te­ti güýç­len­di­rip, gör­şi go­wu­lan­dyr­ma­ga, de­ri­ni we öý­jük­le­ri sag­dyn sak­la­ma­ga ýar­dam ed­ýär. B wi­ta­min­ler top­lu­my­nyň öýjügi bo­lan ba­lyk be­de­ni kuwwatlandyrmaga, nerw ul­ga­my­nyň işi­ni ka­da­laş­dyr­ma­ga hem-de gy­zyl gan öý­jük­le­ri­niň ýe­ter­lik de­re­je­de ön­dü­ril­me­gi­ne öz go­şan­dy­ny goş­ýar. Ba­lyk­da­ky D wi­ta­mi­ni be­de­niň kal­siý ýet­mez­çi­li­gi­niň öwe­zi­ni do­lup, süňk­le­ri we diş­le­ri ber­kid­ýär. Ba­ly­gyň dü­zü­min­dä­ki E wi­ta­mi­ni an­ti­ok­si­dant çeş­me­si bo­lup, be­de­ni zy­ýan­ly er­kin ra­di­kal­lar­dan go­ra­ma­ga ýar­dam ed­ýär. K wi­ta­mi­ni bol­sa ga­nyň lag­ta­lan­ma­gy­nyň öňü­ni alyp, süňk­le­riň sag­dyn­ly­gy­ny üp­jün ed­ýär.
Ba­ly­gyň dü­zü­min­de Ome­ga-3 ýag kis­lo­ta­sy sak­lan­ýan gör­nü­şi­ni iý­mek has-da peý­da­ly­dyr. Soň­ky ýyl­lar­da ge­çi­ri­len bar­lag­lar­da ba­lyk ýa­gy­nyň nerw ul­ga­my­ny kö­şeş­dir­ýän­di­gi ýü­ze çy­ka­ryl­dy. Ýag­ly ba­lyk­da­ky Ome­ga-3 mad­da­sy dart­gyn­ly ýag­daý­la­ryň öňü­ni alyp, ada­myň özü­ni has ra­hat duý­ma­gy­ny üp­jün ed­ýär. Ba­lyk ýa­gyn­da­ky EPA we DHA ýag kis­lo­ta­la­ry ýü­rek-da­mar ul­ga­my­nyň işi­ni ka­da­laş­dyr­ýar. Gör­şi go­wu­lan­dy­ryp, beý­ni­niň iş­jeň­li­gi­ni art­dyr­ýar.
Do­wam­ly ba­lyk iý­ýän adam­lar­da huş­suz­lyk, ýa­dyň we gör­şüň pe­sel­me­gi ýa­ly ala­mat­lar seý­rek duş gel­ýär. Ba­lyk göw­re­li­lik döw­rün­de ça­ga­la­ryň ösü­şi üçin hem mö­hüm iý­mit­le­riň bi­ri­dir. Bi­ler­men­le­riň bel­le­me­gi­ne gö­rä, sar­di­na, lo­sos, tunes ýa­ly Ome­ga-3 ýag kis­lo­ta­sy­na doý­gun ba­lyk­lar sag­lyk üçin has peý­da­ly ha­sap­lan­ýar. Ba­ly­gy di­ňe gü­nor­tan­lyk na­ha­ryn­da däl, eý­sem, ag­şam­lyk na­ha­ryn­da hem ar­ka­ýyn iýip bol­ýar. Se­bä­bi ýum­şak et­li bu iý­mit aş­ga­zan­da çalt öz­le­şip, ener­gi­ýa alyş-çal­şy­gy­ny ýo­kar­lan­dyr­ýar. Şeý­le hem ka­da­ly uk­la­ma­ga ýar­dam ed­ýär.
Dün­ýä­de 35 müň­den gow­rak gör­nü­şi bo­lan da­şy teň­ňe­li jan­dar­lar der­ýa­dyr köl­ler­den baş­lap, um­man­la­ryň dür­li çuň­luk­la­ryn­da ýa­şa­ýar. Ba­ly­gyň äh­li gör­nü­şi­ni iýip bol­ma­ýar. Kä­bi­ri­niň de­ri­sin­de zä­her­li mad­da­la­ryň sak­lan­ýan­dy­gy se­bäp­li, ba­ly­gy örän üns­li saý­la­ma­ly bol­ýar. Iň köp ba­lyk iýil­ýän ýurt­la­ryň sa­na­wyn­da Hy­taý, Is­lan­di­ýa, Nor­we­gi­ýa, Ko­re­ýa Res­pub­li­ka­sy, Por­tu­ga­li­ýa we Ýa­po­ni­ýa öň­dä­ki orun­la­ry eýe­le­ýär. BMG-niň Azyk we oba ho­ja­lyk gu­ra­ma­sy­nyň maglumatyna gö­rä, her ýyl dün­ýä­de 90 mil­li­on ton­na­dan gow­rak ba­lyk tu­tul­ýar.

Gyzykly bolup bilerЕЩЕ ОТ АВТОРА