Gonkongda belli aktýor we söweş sungatynyň ussady Brýus Lä bagyşlanan muzeý pul serişdeleriniň ýetmezçiligi sebäpli ýapyldy. Bu barada Brýus Liniň resmi janköýerler kluby “Facebook” sahypasynda habar berdi.
Muzeýiň ýygyndysynda 2000 sany artefakt – heýkeller, žurnallar we seýrek duş gelýän suratlar bar. Muzeýiň girdejileri pandemiýa döwründe azalyp ugrapdy. Muzeýiň haçan açyljakdygy belli däl.
Janköýerler klubyny Brýus Liniň maşgalasy esaslandyrdy. “Gazaply ýumruk” we “Aşdarhanyň ýoly” filmleriniň ýyldyzy 1973-nji ýylyň iýul aýynda 32 ýaşynda aradan çykdy.