Derbide üstün çykyp, 14-nji çempionlygyny gazandy

Gresiýanyň çempionaty “Super Ligada” çempion belli boldy. Möwsümiň tamamlanmagyna 2 tapgyr galanda, Afiny derbisinde AEK topar öz meýdançasynda “Panatinaikosy” 2-1 hasabynda ýeňlişe sezewar etdi. Duşuşykda 62-nji minutda Tetteh “Panatinaikosy” öňe geçirdi. Bu goldan 10 minut soň, ýagny 72-nji minutda Zini hasaby deňledi. 90+4-nji minutda portugaliýaly meşhur futbolçy Žoao Mario AEK-e hem ýeňiş, hem-de çempionlyk getiren goly derwezä girizdi. Şeýlelikde, AEK topary 2 ýyllyk arakesmeden soň, soňky 4 ýylda 2-nji, taryhyndaky 14-nji çempionlygyny gazandy.