1991-nji ýylda şazadanyň aýaly Diananyň Greýt-Ormond strit (GOSH) çagalar hassahanasynyň düýbüne ýerleşdiren “wagt kapsulasy” Londonda wagtyndan öň açyldy. Şazada şol wagt Hossarlar geňeşine başlyklyk edýärdi.
Gutyny diňe geljekki nesiller açyp biler öýdülýärdi, emma täze çagalar onkologik merkezine ýer boşatmak üçin hassahananyň diwarlaryny ýykmak barada karara gelindi. Şazada, kapsula ýerleşdirilmeli zatlary telebäsleşikde bu hormata eýe bolan britaniýaly çagalar – 11 ýaşly Dewid Wotson we 9 ýaşly Silwiýa Foulks bilen bilelikde saýlady.
Kapsuladaky zatlar 1990-njy ýyllaryň başy barada aýdyň ýatlatma bolup durýar: “Casio” jübi telewizory, Kaýli Minougyň “Rhythm of Love” albomy, Gün energiýasy bilen işleýän kalkulýator, britan şaýylyklarynyň ýygyndysy we “Times” gazeti
Gurşundan edilen gutudaky zatlaryň köpüsini çyg çekipdir, ýöne umuman 34 ýylyň içinde erbet saklanmandyr. Diana 1997-nji ýylyň 31-nji awgustyna çenli pajygaly ýagdaýda aradan çykýança GOSH-nyň başlygy bolup işledi. Ol hassalaryň ýagdaýy bilen tanyş bolmak üçin yzygiderli hassahana baryp durýardy. Bu ýerde täze onkologik merkez 2028-nji ýylda açylar.

Gyzykly bolup bilerЕЩЕ ОТ АВТОРА