Hytaýda 120 million ýyl mundan öň ýaşan dinozawryň görnüşi tapyldy

Hytaýly paleontologlar takmynan 120 million ýyl mundan öň ýaşan dinozawryň täze görnüşini tapdylar diýip, ýurduň «Sinhua» agentligi habar berdi. Çeşmäniň ýazmagyna görä, bu açyş dinozawrlaryň gelip çykyşyna hem-de guşlaryň ewolýusiýasyna degişli täze maglumatlary almaga mümkinçilik berer.
Dinozawryň galyndylary Hytaýyň demirgazyk-gündogaryndaky Lýaonin ülkesinden tapyldy. Olaryň arasynda dinozawryň tutuş tenini örten ýelekler hem bar.
Täze tapyndy barada ylmy barlaglaryň jemleri “Vertebrata PalAsiatica” ylmy žurnalynda çap edildi.