Hytaýda öndürilen elektroulaglar Ýewropa Bileleşigine agza ýurtlarda meşhurlyk gazandy. Bu meýil esasan hem Merkezi Ýewropa ýurtlarynda, esasan hem, Wengriýada göze ilýär. Bu ýerde hökümet eýýäm kärhanalar we döwlet guramalary tarapyndan elektroulaglary satyn almak üçin döwlet maksatnamasyny mälim etdi.
Hytaýyň birnäçe öndürijisi bu maksatnama gatnaşmak üçin eýýäm arzalary tabşyrdy. Döwlet maksatnamasyna gatnaşmak üçin hytaýyň elektroulaglarynyň arasynda iň meşhur brend BYD öňdeligi eýeleýär. Bu barada Wengriýanyň Energetika ministrligi habar berdi. Ministrligiň maglumatlaryna görä, bu maksatnama laýyklykda, 1500-den gowrak BYD modelini edinmek üçin subsidiýalar almaga arzalar berildi.
Mundan başga-da, 1 müň 100-den gowrak “Tesla” modelini satyn almaga goldaw ýüztutmalary gelip, bu brend bu sanawda ikinji orunda durýar. Kompaniýalar 500-den gowrak “Hyundai” modelini satyn almak üçin goldaw üçin ýüz tutdular. Bu ýagdaý bolsa brendi üçünji orunda goýdy. Bu maksatnama gatnaşýan beýleki meşhur elektroulag brendlerine “Volvo”, “Kia”, “Volkswagen” we “Cenntro” degişlidir.
Häzirki wagtda maksatnamanyň çäklerinde, takmynan, 6800 elektroulag satyn almak üçin arzalar tabşyryldy.

Gyzykly bolup bilerЕЩЕ ОТ АВТОРА