UEFA Konferensiýa Ligasynda çärýek finalynda 1-nji oýunda ýer eýeleriniň 3-si 3-0, 1-i 2-0 hasabynda ýeňipdi. 3-0 hasabynda ýeňiş gazanan toparlaryň şol ýeňişleri jogap oýunlarynda olara uly kömegi degdi.

Ukrainanyň “Şahtýor Donesk” topary myhmançylykda “AZ Alkmaardan” ýeňilmän, 2-2 hasabynda deňme-deň oýnady (Ýensen 73, Şin 80 – Alisson 58, Luka Meirelleş 83). “Şahtýor” 1-nji oýunda 3-0 hasabynda ýeňiş gazanypdy.

Öz meýdançasynda “Fiorentinanyň” derwezesinden jogapsyz 3 gol geçiren “Kristal Palas” Italiýada 2-1 hasabynda utulsa-da, ýarym finala adyny ýazdyrdy. Çekeleşikli geçen oýunda “Fiorentinanyň” gollaryny Gudmundsson (30 p) bilen Ndur (53), iňlis toparynyň ýeke-täk pökgüsini Ismaila Sarr (17) geçirdi.

Ispaniýada “Raýo Wallekano” grekleriň “AEK Afiny” toparyny 3-0 hasabynda ýeňipdi. Jogap oýnunda afinylylar Zininiň (13, 51) hem-de Mariniň (36 p) gollary bilen umumy hasaby deňledi. Ýöne 60-njy Palazonyň goly umumy hasapda ispanlary öňe saýlady. “Raýo Wallekano” 3-1 utulsa-da, umumy hasapda 4-3 üstün çykyp, ýarym finalda oýnamaga hukuk gazandy.

Germaniýanyň “Maýns” topary öz meýdançasynda “Strasbury” 2-0 hasabynda ýeňipdi. Ýöne jogap duşuşygynda fransuz kluby başgaça oýun görkezip, 4-0 hasabynda ýeňiş gazandy. Taryhynda UEFA-nyň uly ýaryşlarynda ilkinji gezek ýarym finala çykan “Strasbur” toparyna ýeňiş getiren gollary Nanasi (26), Uattara (35), Ensisko (69) hem-de Emegha (74) derwezä girizdi.

30-njy aprelde we 7-nji maýda oýnaljak ýarym final duşuşyklarynda “Şahtýor Donesk” bilen “Kristal Palas”, “Raýo Wallekano” bilenem “Strasbur” toparlary duşuşarlar.

Gyzykly bolup bilerЕЩЕ ОТ АВТОРА