Kanadanyň golaýda wezipesine girişen Hökümet Başlygy Mark Karni täze hökümeti düzdi. Ministrler kabinetiniň düzümi 28 ministrden hem-de 10 sany daşary işler boýunça işgärden ybarat bolup, esasan, ykdysatçylardan düzülen. Olaryň arasynda syýasy karýerasyna täze başlanlar hem bar. Karni bu düzümiň kanadalylaryň isleýän we mynasyp bolan üýtgeşmesini durmuşa geçirmek üçin döredilendigini belledi.
Halkara söwda we beýleki işlerde baý tejribesi bolan Dominik LeBlank Kanada-ABŞ söwdasy we ýurduň içindäki söwdada päsgelçilikleriň aradan aýrylmagy üçin işlär. Bu Karniniň saýlaw kampaniýasyndaky wadalarynyň biridi.
Ozalky Premýer-ministr Jastin Trýudýonyň hökümetinde ýokary wezipelerde zähmet çeken Anita Anand daşary işler ministri wezipesini ýerine ýetirer.
Aprel aýyndaky saýlawda deputat bolmaga hukuk gazanan we karýerasyna täze başlan Tim Hodson energiýa we tebigy baýlyklar ministri bolar.

Gyzykly bolup bilerЕЩЕ ОТ АВТОРА