Koreýa Respublikasynyň Prezidenti Li Çže-Mýon öz raýatlaryny “Nuri” raketasynyň dördünji gezek üstünlikli uçurylmagy bilen gutlap, ýurduň dünýäniň öňdebaryjy bäş kosmos döwletiniň biri bolmak baradaky tagallalaryny mälim etdi.
“Koreýa Respublikasynyň “Nuri” raketasy amaly taýdan ähmiýetli hemralaryny orbita üstünlikli uçurdy. Bu biziň ýurdumyzyň kosmosy öwrenmegiň taryhynda täze bir sahypa açýar – diýip, Li Çže-Mýon “Facebook”-da ýazdy.
Ol munuň ýoluň diňe başlangyjydygyny belledi. – Biz ylym we tehnologiýa arkaly raýatlarymyzyň durmuşyny gowulandyrmagy dowam etdireris we dünýäniň iň öňdebaryjy bäş kosmos ýurtlarynyň biri bolmaga çalyşarys. Biz elbetde, siziň açýan çäksiz mümkinçilikleriňize maýa goýmaga hiç hili çykdajylary gaýgyrmajakdygymyza söz berýäris” diýip, ýurduň lideri aýtdy.